प्रकृतिको शव आज नेपाल ल्याइँदै

Share this
826shares
मुलुकी खबर
मुलुकी खबर
clock२०८१ फागुन ७, बुधबार ०९:५६

काठमाडौं । भारतको कलिंगा इन्स्टिच्यूट अफ इन्डस्ट्रियल टेक्नोलोजी (केआईआईटी)मा मृत फेला परेकी प्रकृति लम्सालको शव आज (बुधबार) नेपाल ल्याइने भएको छ ।

भारतको ओडिसाबाट बुटवलस्थित घरमा शव लैजाने तयारी भइरहेको हो । भारतस्थित नेपाली दूतावासले शव नेपाल पठाउन प्रक्रिया सुरु भइसकेको जनाएको छ । स्थानीय प्रशासन, सुरक्षाकर्मी र कलेजसँग समन्वय गरेर शव नेपाल पठाइएने दूतावासले उल्लेख गरेको छ ।

प्रकृतिकी फुपू सीता ढकालका अनुसार शव साँझसम्म नेपाल ल्याइपुर्याउने कुरा छ । प्रकृतिको शंकास्पद मृत्यु भएको थियो । त्यो जानकारी पाएलगत्तै उनका बुवा सुनील लम्साल ओडिसा पुगेका छन् । उनले मंगलबार प्रहरी अधिकारीहरुसँग भेटेर न्याय पाउनुपर्ने बताएका थिए ।

२० वर्षीया प्रकृति होस्टलको कोठामा गत आइतबार अपराह्न मृत फेला परेकी थिइन् । साँझबाटै विद्यार्थीहरुले उनको न्यायको माग गर्दै प्रदर्शन थालेका थिए । तर, युनिभर्सिटी प्रशासनले प्रदर्शन गरेका नेपाली विद्यार्थीहरुमाथि उल्टै दमन गरेको थियो ।

विद्यार्थीलाई कुटपिट गरेर होस्टलबाट निकालियो । चर्को आलोचना भएपछि भने विश्वविद्यालय प्रशासनले केही कर्मचारीलाई बर्खास्त गरेको छ भने केहीलाई निलम्बन गरेको छ । नेपाली विद्यार्थीलाई धम्क्याइएको घटना विश्वविद्यालयले माफी मागेको छ । प्राध्यापक मन्जुशा पाण्डेले पनि माफी मागेकी छन् ।

प्रकृतिको मृत्युबारे ओडिसाको विधानसभामा समेत प्रश्न उठेको थियो । ओडिसा सरकारले नै यो घटनाको छानबिनका लागि उच्चस्तरीय समिति बनाएको छ । प्रकृतिलाई ‘ब्ल्याकमेल’ गरेको आरोप लागेका अड्विक श्रीवास्तवलाई पक्राउ गरेर प्रहरीले न्यायिक हिरासतमा राखी अनुसन्धान अघि बढाएको छ ।

श्रीवास्तवले पटकपटक यातना दिएको विषय प्रमाणसहित उजुरी दिँदा पनि कलेजले लापरबाही गर्दा प्रकृतिले मृत्युवरण गर्नु परेको भन्दै केआईआईटीको आलोचना भएको छ । कलेजले उल्टो पीडकलाई नै साथ दिएको आरोप छ ।

जसका कारण नेपाली विद्यार्थीले भारतमा मृत्युवरण गर्नुपर्ने अवस्था उत्पन्न भएको घटनाले सबैको ध्यान खिचेको छ । यो घटनाको विरोधमा नेपाल र भारतका विद्यार्थी आन्दोलित भइरहेका छन् । संसदमा पनि कुरा उठेको छ ।

तपाइको प्रतिक्रिया
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
© 2024 Muluki Khabar. All Rights Reserved. Design & Develop By: Indesign Media Pvt. Ltd.