उच्चले रोक्यो बीपीको जग्गामा तरकारी बजार निर्माण

Share this
725shares
मुलुकी खबर
मुलुकी खबर
clock२०८१ फागुन २२, बिहीबार ११:२६

विराटनगर । उच्च अदालत विराटनगरले धरानस्थित बीपी कोइराला स्वास्थ्य विज्ञान प्रतिष्ठानको जग्गामा तरकारी बजार निर्माण गर्न रोक लगाएको छ ।

धरान उपमहानगरपालिकाले बीपीको जग्गामा जबरजस्ती तरकारी बजार बनाउन सुरु गरेको थियो । धरानका मेयर हर्क साम्पाङ (हर्कराज राई)ले बीपी प्रतिष्ठानको ‘ग्रीनवेल्ट’ मार्गमा तरकारी बजार निर्माण सुरु गरेका हुन् । उक्त स्थानमा तरकारी बजार निर्माणमा रोक लगाउँदै उच्च अदालतले मंगलबार अन्तरिम आदेश जारी गरेको छ ।

बीपी प्रतिष्ठानका रजिष्ट्रार सूर्यप्रसाद संग्रौलाले प्रतिष्ठानको जग्गामा संरचना नबनाउन मेयर साम्पाङलाई आग्रह गरेका थिए । तर, साम्पाङले कर्मचारीसँग कुरा नगर्ने भन्दै उनको आग्रह मानेनन् । धरानभित्र प्रतिष्ठान रहेको दाबी गर्दै मेयरले संरचना बनाउने अडान लिएपछि संग्रौलाले उच्च अदालतमा रिट दायर गरे ।

न्यायाधीश ध्रुवराज नन्दको इजलासले ‘अन्तिम टुंगो नलागेसम्म कुनै पनि संरचना निर्माण नगर्नु नगराउनू’ भनी अन्तरिम आदेश जारी गरेको हो । उच्च अदालतले विपक्षी धरान उपमहानगरपालिका, मेयर साम्पाङ र प्रहरीलाई १५ दिनभित्र लिखित जवाफ पेस गर्न आदेशसमेत दिएको छ ।

‘विपक्षी उपमहानगरपालिकाले तरकारी बजारको लागि शिलान्यास गरेको उल्लेखित जग्गा ‘ग्रिनवेल्ट’ एरिया हो वा स्थानीय सरकारको क्षेत्राधिकारभित्रको जग्गा हो भन्ने विवादित अवस्थामै भौतिक संरचना निर्माण हुँदा निवेदकलाई पर्न जाने असुविधा, क्षति र स्वास्थ्य क्षेत्रको संवेदनशीलतासमेतलाई दृष्टिगत गर्नुपर्ने स्थिति देखिएकोले निवेदन माग बमोजिम अन्तरिम आदेश जारी गर्न उपयुक्त हुने देखियो,’ उच्चले भनेको छ, ‘अतः प्रस्तुत अन्तरिम आदेशबाट विपक्षी धरान उपमहानगरपालिकालाई कुनै प्रकारको असर वा अपूरणीय क्षति पर्न जाने स्थिति सृजना भएमा उक्त विपक्षीले प्रमाणसहित प्रस्तुत आदेशको निष्क्रियताका लागि निवेदन माग गरेका बखत यस अदालतबाट पछि विचार गरी आदेश हुन सकने नै हुँदा प्रस्तुत रिट निवेदनको अन्तिम टुंगो नलागेसम्म निवेदक प्रतिष्ठानको नाममा दर्ता कायम रहेको सर्भे नक्सामा देखिएको कि. नं. १३ को जग्गाभित्र पर्ने गरी कुनै प्रकारको संरचना निर्माण नगर्नु, निवेदकलाई प्रयोग चलनमा अवरोध नगरी यथास्थितिमा राख्नु ।’

तपाइको प्रतिक्रिया
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
© 2024 Muluki Khabar. All Rights Reserved. Design & Develop By: Indesign Media Pvt. Ltd.