
विराटनगर । पूर्वाञ्चल विश्वविद्यालयबाट ८ हजार १५० जना विद्यार्थी दीक्षित भएका छन् । प्रधानमन्त्री एवं कुलपति केपी शर्मा ओलीको उपस्थितिमा आज भएको १३ औँ दीक्षान्त समारोहमा ८१५० विद्यार्थी दीक्षित भएका हुन् ।
दीक्षित हुनेमा कला संकायका २०४, कानुनका ४०७, शिक्षाशास्त्रतर्फ ९०६, व्यवस्थापनका दुई हजार २४९, चिकित्साशास्त्रतर्फ दुई हजार १९८,विज्ञान तथा प्रविधिमा ६५४ तथा इन्जिनियरिङ सङ्कायका एक हजार ४४२ विद्यार्थी दीक्षित भएका हुन् ।
दीक्षान्त समारोहलाई सम्बोधन गर्दै ओलीले पूर्वाञ्चल विश्वविद्यालय ज्ञानको केन्द्र र गौरवको विषय रहेको बताए ।
विद्यार्थीलाई पाठमा मात्रै केन्द्रित नभई ज्ञानको ब्यवहारिक सीप हासिल गर्नमा लाग्नु पर्ने उनले बताए । उनले पलायन हुने नभइ देश बनाउने अभियानमा लाग्न आग्रह गरे ।

























