विराटनगरमा ढाका महोत्सव सम्पन्न

Share this
704shares
मुलुकी खबर
मुलुकी खबर
clock२०८१ चैत ९, शनिबार २०:५७

विराटनगर । नेपाल उद्योग वाणिज्य महासंघको कोशी प्रदेश महिला उद्यम समितिले आयोजना गरेको ढाका महोत्सव शनिबार सम्पन्न भएको छ । 

बिहीबारदेखि सुरु भएको ढाका महोत्सव ३ दिनसम्म विराटनगरमा सञ्चालन भएको थियो । महोत्सवमा ढाका कपडाबाट बनाइएका तयारी पोसाक, कपडालगायत महिलाहरूले उत्पादन गरेको बस्तुहरू प्रदर्शन गर्नुका साथै बिक्रीसमेत गरेका थिए । 

महोत्सवमा व्यापार तथा लगानी प्रवर्धन, व्यवसायिक अवसरबारे छलफल र संवाद कार्यक्रमका साथै ढाका बुनाइ, तान बुन्ने प्रतियोगिता र फेसन शो प्रस्तुत गरिएको थियो ।  

ढाका बुनाइ, तान प्रतियोगितामा तेह्रथुमको फक्तालुङ ढाका कपडा उद्योगकी शान्तिला फुदुङ् प्रथम, झापाको एमएस ढाका सेन्टरकी कृष्णमाया लिम्बू द्वितीय र सुनसरीको दिव्य ढाका उद्योगकी धनकुमारी तामाङ तृतीय भइन् ।

उनीहरूले क्रमशः ११ हजार, ७ हजार १ सय र ५ हजार १ सय रुपैयाँका साथ प्रमाणपत्र प्राप्त गरे । 

कार्यक्रमकी प्रमुख अतिथि विराटनगर महानगरपालिकाकी उपप्रमुख शिल्पा निराला कार्की, नेपाल उद्योग वाणिज्य महासंघ कोशी प्रदेशका अध्यक्ष राजेन्द्र राउत र महिला उद्यम समितिका संयोजक सरु केसीलगायतले पुरस्कार प्रदान गरे । 

महोत्सवमा व्यवसायीले २५ लाख बढीको कारोबार भएको बताइएको छ । 

तपाइको प्रतिक्रिया
गौरको कानुपट्टी सीमा क्षेत्रबाट ९ एमएमका २७ थान गोली बरामद
कार्कीको रिटमा सर्वोच्चमा प्रारम्भिक सुनुवाइ हुँदै
राष्ट्रिय आविष्कार केन्द्रबाट कम्प्युटर चोरी, सीसीटीभीमा कैद भयो घटना
पाँच स्थानीय तह भूमिसम्बन्धी समस्यामुक्त घोषणा
रुसमा सैन्य कार्गो विमान दुर्घटना, चालक दलसहित १९ जनाको मृत्यु
एनपिएलमा अनलाइन सट्टेबाजी गरेको आरोपमा भारतीय नागरिक पक्राउ  
विराटनगरलाई लजिस्टिक हब बनाउन कार्गो रेल सञ्चालनमा जोड
मोरङ र उदयपुरमा दुर्घटना : तीन जना घाइते, दुईको अवस्था गम्भीर
स्थानीय चुनावको तयारीमा एमाले, बुधबारदेखि राष्ट्रिय भेला
विराटनगरमा कराँते छनोटका क्रममा खेलाडी घाइते
© 2024 Muluki Khabar. All Rights Reserved. Design & Develop By: Indesign Media Pvt. Ltd.