आईपिएलमा लखनउ सुपर जायन्ट्सको पहिलो जित

Share this
678shares
मुलुकी खबर
मुलुकी खबर
clock२०८१ चैत १५, शुक्रबार ०८:४३

काठमाडौं । इण्डियन प्रिमियर लिग आईपिएलमा लखनउ सुपर जायन्ट्सले पहिलो जित हात पारेको छ । गएराति सम्पन्न खेलमा लखनउले सनराइर्जस हैदराबादलाई ६ विकेटले परजित गरेको हो ।

लखनउको जितमा निकोलस पूरन र मिचेल मार्शले आक्रामक ब्याटिङ गरे । सार्दुल ठाकुरले शानदार बलिङ गरेपछि हैदराबाद २ सय रनको आँकडा पार गर्न असफल भयो ।

राजिव गान्धि अन्तर्राष्ट्रिय क्रिकेट स्टेडियममा लखनउले टस जितेर पहिला फिल्डिङ रोजेपछि सुरुवातमा ब्याटिङ गरेको हैदराबादले निर्धारित २० ओभरमा ९ विकेट गुमाएर १ सय ९० रनको योगफल तयार पारेको थियो ।

खराब सुरुवात गरेको हैदराबादका अभिषेक शर्मा ६ रनमा आउट भए । अघिल्लो खेलमा राजस्थान रोयल्सविरुद्ध शतक बनाएका इशान किशनलाई सार्दुल ठाकुरले गोल्डेन डकआउट गरेपछि हैदराबाद दबाबमा परेको थियो ।

लगातार २ बलमा २ विकेट लिएका सार्दुल हृयाट्रिक नजिक पुगेका थिए । तेस्रो विकेटका लागि ट्राभिस हेड र नितिश कुमार रेड्डीले ३२ बलमा ६१ रनको साझेदारी गरे । सर्वाधिक ४७ रन जोडेका हेडलाई सार्दुललेनै आउट गरे ।

हेनरिक क्लासेन २६ , नितिश कुमार रेड्डी ३२ र अनिकेत बर्माले ३६ रनको योगदान दिए । कप्तान कमिन्सले ४ बलमा ३ छक्काको सहयोगमा १८ रन जोडे । लखनउको लागि शार्दुल ठाकुरले ४, आवेश खान, दिग्वेश राठी, रवि बिष्नोई र प्रिन्स यादवको नाममा समान १-१ विकेट गरे ।

१ सय ९१ रनको लक्ष्य लखनउले २३ बल बाँकी रहँदै ४ विकेट गुमाएर पूरा गर्यो । लखनउका एडन माक्रमले १ रन मात्र बनाएपनि निकोलस पुरनले २६ बलमा ६ छक्का र ६ चौकासहित सर्वाधिक ७० रन जोडे ।

दोस्रो विकेटका लागि मिचेल मार्शसँग पुरनले १ सय १६ रनको शतकीय साझेदारी गरेका थिए । मार्शले ३१ ५२ रन बनाए । कप्तान ऋषभ पन्त १५ रनमा आउट हुँदा अब्बदुल समाद २२ र डेबिड मिलर १३ रनमा अविजित रहे ।

हैदराबादका लागि कप्तान प्याट कमिन्सले २ तथा मोहम्मद सामी, हर्षल पटेल र एडम जाम्पाले समान १-१ विकेट लिए । जितसंगै २ खेलमा १ जित सहित २ अंक जोडेको छ । ऊ तालिकाको दोस्रो स्थानमा उक्लिएको छ । समान २ अंक रहेको हैदराबाद छैटौं स्थानमा छ ।

तपाइको प्रतिक्रिया
गौरको कानुपट्टी सीमा क्षेत्रबाट ९ एमएमका २७ थान गोली बरामद
कार्कीको रिटमा सर्वोच्चमा प्रारम्भिक सुनुवाइ हुँदै
राष्ट्रिय आविष्कार केन्द्रबाट कम्प्युटर चोरी, सीसीटीभीमा कैद भयो घटना
पाँच स्थानीय तह भूमिसम्बन्धी समस्यामुक्त घोषणा
रुसमा सैन्य कार्गो विमान दुर्घटना, चालक दलसहित १९ जनाको मृत्यु
एनपिएलमा अनलाइन सट्टेबाजी गरेको आरोपमा भारतीय नागरिक पक्राउ  
विराटनगरलाई लजिस्टिक हब बनाउन कार्गो रेल सञ्चालनमा जोड
मोरङ र उदयपुरमा दुर्घटना : तीन जना घाइते, दुईको अवस्था गम्भीर
स्थानीय चुनावको तयारीमा एमाले, बुधबारदेखि राष्ट्रिय भेला
विराटनगरमा कराँते छनोटका क्रममा खेलाडी घाइते
© 2024 Muluki Khabar. All Rights Reserved. Design & Develop By: Indesign Media Pvt. Ltd.