
काठमाडौं । नेपाली बजारमा शुक्रबार (आज) सुन र चाँदीको मूल्य घटेको छ ।
अघिल्लो दिन उच्च रेकर्ड कायम बनाएको सुन आज ३ हजार ९ सय रुपैयाँले घटेको नेपाल सुनचाँदी व्यवसायी महासंघले जनाएको छ ।
शुक्रबार प्रतितोला सुनको मूल्य १ लाख ७६ हजार ४ सय रुपैयाँ कायम भएको छ । अघिल्लो दिन बिहीबार तोलाको १ लाख ८० हजार ३ सय रुपैयाँ पुगेको महासंघले जनाएको छ ।
त्यस्तै, आज चाँदीको मूल्य घटेर प्रतितोला १ हजार ८ सय ७० रुपैयाँ कायम भएको छ । बिहीबार चाँदी तोलाको १ हजार ९ सय ९५ रुपैयाँमा कारोबार भएको थियो ।

























