वार्तामा नबस्ने अडान लिएका शिक्षकहरु आज पनि प्रदर्शन गर्दै

Share this
669shares
मुलुकी खबर
मुलुकी खबर
clock२०८१ चैत २७, बुधबार १०:३७

काठमाडौँ । विद्यालय शिक्षा ऐन जारी गर्नुपर्ने लगायतका मागसहित आन्दोलनरत् शिक्षकहरुले सरकारसँग वार्ता अस्वीकार गरेका छन् । सरकारले वार्ताका लागि पटकपटक बोलाए पनि पहिले गरिएको सहमति पालना नभएको भन्दै उनीहरुले वार्ता अस्वीकार गरेका हुन् ।

चैत २० गतेदेखि काठमाडौं केन्द्रित आन्दोलन गरिरहेका उनीहरुले माग पूरा नभएसम्म आन्दोलनलाई निरन्तरता दिने बताएका छन् । आज (बुधबार) पनि उनीहरुले माइतीघरमा भेला भएर प्रदर्शन गर्ने भएका छन् । हिजो उनीहरूले बत्ती बालेर माइतीघर–बानेश्वर क्षेत्रमा प्रदर्शन गरेका थिए ।

आन्दोलन नेपाल शिक्षक महासंघको अगुवाइमा भइरहेको छ । महासंघका अध्यक्ष लक्ष्मीकिशोर सुवेदीका अनुसार वार्तामा बसेर छलफल गर्ने भन्दा पनि ऐन जारी गर्ने कुरामा मात्र सहभागी हुने निधो गरिएको छ ।

शिक्षा विज्ञान तथा प्रविधि मन्त्रालयले आन्दोलनरत शिक्षकलाई वार्तामा आउन मंगलबार विज्ञप्ति जारी गरेर आमन्त्रण गरेको थियो । मन्त्रालयका प्रवक्ता तथा सहसचिव शिवकुमार सापकोटाले शिक्षक प्रतिनिधिहरू वार्ता र संवादमा आउन महासंघलाई आग्रह गरेका थिए ।

शिक्षक महासंघले भने यति बेला वार्ता, संवाद र सहमतिभन्दा पनि विद्यालय शिक्षा ऐन चाहिएको भन्दै छलफलमा बस्न आवश्यक रहेको जनाएको छ । अध्यक्ष सुवेदीले शिक्षकका मागका सम्बन्धमा यसअघि नै सरकारसँग सहमति भएको बताए । त्यही सहमतिअनुसार शिक्षा ऐन जारी गरे हुने उनको भनाइ छ ।

यसअघि शिक्षा मन्त्रालयले चैत २१ र २२ मा वार्तामा बोलाउँदा पनि शिक्षकहरूले संवाद आवश्यक रहेको जवाफ दिएका थिए । २१ मा विज्ञप्ति र २२ मा पत्राचार गरेर वार्तामा बोलाइएको थियो ।

तपाइको प्रतिक्रिया
कार्कीको रिटमा सर्वोच्चमा प्रारम्भिक सुनुवाइ हुँदै
राष्ट्रिय आविष्कार केन्द्रबाट कम्प्युटर चोरी, सीसीटीभीमा कैद भयो घटना
पाँच स्थानीय तह भूमिसम्बन्धी समस्यामुक्त घोषणा
रुसमा सैन्य कार्गो विमान दुर्घटना, चालक दलसहित १९ जनाको मृत्यु
एनपिएलमा अनलाइन सट्टेबाजी गरेको आरोपमा भारतीय नागरिक पक्राउ  
विराटनगरलाई लजिस्टिक हब बनाउन कार्गो रेल सञ्चालनमा जोड
मोरङ र उदयपुरमा दुर्घटना : तीन जना घाइते, दुईको अवस्था गम्भीर
स्थानीय चुनावको तयारीमा एमाले, बुधबारदेखि राष्ट्रिय भेला
विराटनगरमा कराँते छनोटका क्रममा खेलाडी घाइते
डिकवेलाको अविजित अर्धशतकमा लुम्बिनी लायन्स फाइनलमा
© 2024 Muluki Khabar. All Rights Reserved. Design & Develop By: Indesign Media Pvt. Ltd.