धरानमा हत्या गरिएकी चुनकुमारी : छोरासँग इटहरी बस्थिन्, पति कोरियामा

Share this
637shares
मुलुकी खबर
मुलुकी खबर
clock२०८१ चैत २९, शुक्रबार ०७:२१

विराटनगर । सुनसरीको धरान उपमहानगरपालिका–६ स्थित पाँचकन्या सामुदायिक वनमा गत सोमबार दिउँसो १२ः३० बजेतिर अर्धनग्न अवस्थामा महिलाको शव फेला पर्यो ।

हत्या गरेर फालेको अवस्थामा फेला परेको शवको पहिचान गर्न प्रहरीलाई समय लाग्यो । अन्ततः बिहीबार पहिचान खुलेको छ । मृत फेला परेकी महिला धनकुटाको महालक्ष्मी नगरपालिका–२ स्थायी ठेगाना भएकी ३४ वर्षीया चुनकुमारी दाहाल बुढाथोकी रहेको सुनसरी प्रहरीका प्रवक्ता डीएसपी योगराज खतिवडाले बताए ।

उनका अनुसार महालक्ष्मी–१ माइती भएकी चुनकुमारी विगत २ वर्षदेखि सुनसरी इटहरीको हलगडामा बस्दै आएको पाइएको छ । पति (श्रीमान) प्रेमबहादुर बुढाथोकी वैदेशिक रोजगारीका लागि कोरियामा रहेको जानकारी खतिवडाले दिए ।

चुनकुमारी १३ वर्षीय छोराको साथमा इटहरीको हलगडामा डेरा बस्दै आएको प्रहरीले जनाएको छ । ‘छोरा पढाउनलाई इटहरीको हलगडामा बस्दै आएको पत्ता लागेको छ । पति प्रेमबहादुर ३ महिनाअघि कोरिया गएको खुल्यो । त्यसअघि पनि आउने–जाने गर्थे होलान्,’ डीएसपी खतिवडाले भने, ‘चुनकुमारीको शव शंकास्पद अवस्थामा फेला परेको हो । बल्ल पहिचान खुलेको छ । हत्या भएको आशंकामा विभिन्न कोणबाट अनुसन्धान गर्ने काम भइरहेको छ ।’

उनका अनुसार चुनकुमारीका भाइ लीलबहादुर दाहालले शवको सनाखत गरिदिएका हुन् । डीएसपी खतिवडाले चुनकुमारी के कारणले र कसरी धरान पुगिन् भन्ने यकिन भइसकेको छैन । ‘इटहरी बस्ने महिलाको शव धरानको जंगलमा भेटिएको हो । किन र के कामले त्यहाँ पुगेको भन्ने खुल्न सकिरहेको छैन,’ उनले भने ।

उनका अनुसार चुनकुमारी र प्रेमबहादुरबीच करिब १६ वर्षअघि बिहे भएको प्रारम्भिक अनुसन्धानबाट खुलेको छ । शवको हालसम्म पोस्टमार्टम भएको छैन । आज (शुक्रबार) बीपी कोइराला विज्ञान प्रतिष्ठानमा पोस्टमार्टमको तयारी गरिएको प्रहरीले जनाएको छ ।

गोठालो गएकाहरुले वनभित्र लसुनेको रुखमुनि शव देखेपछि प्रहरीलाई खबर गरेका थिए । शव फेला परेको जानकारी पाउनसाथ घटनास्थलमा फरेन्सिक विज्ञ तथा तालिम प्राप्त कुकुरसहित प्राविधिक टोली र प्रहरी पुगेको थियो ।

शवनजिकै महिलाले लगाउने चप्पल, झोला, घडी फेला पर्यो । घटनाको प्रकृति हेर्दा घाँटी कसेर हत्या गरेपछि लसुनेको रुखमुनि अडेसा लगाएर शव छाडेजस्तो देखिने प्रहरीको भनाइ छ ।

महिलाको हत्या कसले गरेको हो भनेर हालसम्म यकिन भइसकेको छैन । ‘बल्ल त मृतकको पहिचान खुल्यो । विभिन्न कोणबाट अनुसन्धान भइरहेको छ । कसैले हत्या गरेको रहेछ भने पत्ता लगाएर पक्राउ गर्छौं,’ डीएसपी खतिवडाले भने । प्रहरीले सीडीआर विश्लेषण गर्नेदेखि विभिन्न प्राविधिक पक्षबाट पनि अनुसन्धान गरिरहेको छ ।

प्रहरीले घटनामा संलग्नको पहिचानको प्रयास भइरहेको जनाएको छ । मृत फेला परेकी चुनकुमारीको घाँटीमा चोटपटक देखिएको छ । घिसारेर केही पर पुर्याएर शव छाडेजस्तो देखिने प्रहरीको भनाइ छ ।

धरानमा हत्या गरिएकी महिलाको पहिचान खुल्यो

तपाइको प्रतिक्रिया
राष्ट्रिय आविष्कार केन्द्रबाट कम्प्युटर चोरी, सीसीटीभीमा कैद भयो घटना
पाँच स्थानीय तह भूमिसम्बन्धी समस्यामुक्त घोषणा
रुसमा सैन्य कार्गो विमान दुर्घटना, चालक दलसहित १९ जनाको मृत्यु
एनपिएलमा अनलाइन सट्टेबाजी गरेको आरोपमा भारतीय नागरिक पक्राउ  
विराटनगरलाई लजिस्टिक हब बनाउन कार्गो रेल सञ्चालनमा जोड
मोरङ र उदयपुरमा दुर्घटना : तीन जना घाइते, दुईको अवस्था गम्भीर
स्थानीय चुनावको तयारीमा एमाले, बुधबारदेखि राष्ट्रिय भेला
विराटनगरमा कराँते छनोटका क्रममा खेलाडी घाइते
डिकवेलाको अविजित अर्धशतकमा लुम्बिनी लायन्स फाइनलमा
कोशी र गण्डकीमा वर्षा तथा हिमपातको सम्भावना
© 2024 Muluki Khabar. All Rights Reserved. Design & Develop By: Indesign Media Pvt. Ltd.