
काठमाडौं । नेपाली बजारमा सुनको मूल्यले नयाँ-नयाँ रेकर्ड बनाइरहेको छ । सुनको मूल्य आज (शुक्रबार) पनि बढेको छ ।
भाउ प्रतितोला ३ हजार ९ सय रुपैयाँले बढेको हो । नेपाल सुनचाँदी व्यवसायी महासंघका अनुसार शुक्रबार छापावाल सुनको मूल्य तोलाको १ लाख ८५ हजार रुपैयाँ कायम भएको छ ।
अघिल्लो कारोबार दिन बिहीबार सुन तोलाको १ लाख ८१ हजार १ सय रुपैयाँ थियो । सुनको मूल्यमा दैनिक भारी मात्रामा वृद्धि भइरहेको छ । बिहीबार प्रतितोला ५ हजार ७ सय रूपैयाँले बढेको थियो ।
चाँदीको मूल्यसमेत बढेको छ। प्रतितोला ५ रूपैयाँले बढेको हो । भाउ बढेसँगै शुक्रबार चाँदी तोलाको १ हजार ९ सय ५ रुपैयाँमा कारोबार भइरहेको छ ।

























