सडक सौन्दर्यकरणका लागि एभरेस्ट बैंकको सहयोग 

Share this
760shares
मुलुकी खबर
मुलुकी खबर
clock२०८१ चैत २९, शुक्रबार १६:१२

विराटनगर । विराटनगरस्थित बरगाछी –रानी सडक सौन्दर्यकरण परियोजनाका लागि बैंक तथा वित्तीय संस्थाहरूबाट सहयोग जुट्ने क्रम जारी रहेको छ ।

विराटनगरस्थित एभरेस्ट बैंकले सडक सौन्दर्यकरणका लागि पहिलो चरणमा १ लाख रुपैयाँ हस्तान्तरण गरेको छ ।

महानगरको सौन्दर्यकरणका लागि ‘क’ वर्गका बैंकले सामाजिक उत्तरदायित्व कार्यक्रमअन्तर्गत २ लाख रुपैयाँ उपलब्ध गराउने प्रतिबद्धता जनाएअनुसार बैंकले १ लाख रुपैयाँ बराबरको चेक हस्तान्तरण गरेको हो ।

सौन्दर्यीकरण परियोजनाका लागि महानगरका तर्फबाट सहजीकरण गरिरहेका सरसफाइ शाखा प्रमुख पुनमकुमार दाहाललाई बैंकका कोसी प्रदेश प्रमुख सुधीर गौतमले चेक हस्तान्तरण गरे ।

महानगरले विराटनगरलाई सफा, सुन्दर, उज्यालो, व्यवस्थित र विकसित बनाउने अभियानअन्तर्गत बरगाछी –रानी सडक सौन्दर्यीकरण परियोजना अगाडि बढाएको छ ।

सो परियोजना सम्पन्न गर्न ५५ लाख रुपैयाँ लागत अनुमान गरिएको छ । एभरेस्टसहित १८ वटा विभिन्न बैंक तथा वित्तीय संस्थाहरूबाट ३२ लाख ५० रुपैयाँ परियोजनाको खातामा जम्मा भइसकेको छ ।

हाल तार जाली लगाएर फूल रोप्ने कार्य अन्तिम चरणमा पुगेको छ । बरगाछी –रानी सडक खण्डमा रहेका ४६ वटा डिभाइडरमध्ये २ वटामा मात्रै अब तार जाली लगाउन बाँकी छ ।

करिब ४ वटा डिभाइडरमा मात्रै फूल रोप्न बाँकी रहेको दाहालले बताए ।

तपाइको प्रतिक्रिया
राष्ट्रिय आविष्कार केन्द्रबाट कम्प्युटर चोरी, सीसीटीभीमा कैद भयो घटना
पाँच स्थानीय तह भूमिसम्बन्धी समस्यामुक्त घोषणा
रुसमा सैन्य कार्गो विमान दुर्घटना, चालक दलसहित १९ जनाको मृत्यु
एनपिएलमा अनलाइन सट्टेबाजी गरेको आरोपमा भारतीय नागरिक पक्राउ  
विराटनगरलाई लजिस्टिक हब बनाउन कार्गो रेल सञ्चालनमा जोड
मोरङ र उदयपुरमा दुर्घटना : तीन जना घाइते, दुईको अवस्था गम्भीर
स्थानीय चुनावको तयारीमा एमाले, बुधबारदेखि राष्ट्रिय भेला
विराटनगरमा कराँते छनोटका क्रममा खेलाडी घाइते
डिकवेलाको अविजित अर्धशतकमा लुम्बिनी लायन्स फाइनलमा
कोशी र गण्डकीमा वर्षा तथा हिमपातको सम्भावना
© 2024 Muluki Khabar. All Rights Reserved. Design & Develop By: Indesign Media Pvt. Ltd.