यौन दुर्व्यवहारमा परेकी दलित महिला आफ्नै घरमा मृत फेला

Share this
749shares
मुलुकी खबर
मुलुकी खबर
clock२०८२ बैशाख ३, बुधबार १०:३५

सिरहा । चार महिनाअघि यौन दुर्व्यवहार भोगेकी सिरहाकी दलित महिला आफ्नै घरमा मृत फेला परेकी छन् । सिरहाको नवराजपुर गाउँपालिका-३ स्थित जगतपुर दोनवारी टोलकी २४ वर्षिया आनन्दी देवी सदाय ४ महिनाअघि गाउँकै दुई युवकबाट यौन दुर्व्यवहारमा परेकी थिइन् । उनी हिजो (मंगलबार) मृत अवस्थामा फेला परेकी हुन् ।

उनका श्रीमान वैदेशिक रोजगारमा रहेका कारण २ वर्षकी छोरीसँग आनन्दीदेवी माइतीमा बस्दै आएकी थिइन् । आनन्दी देवीको शव परीक्षणका लागि लहानस्थित प्रादेशिक अस्पतालमा राखिएको छ । घटनाका विषयमा विस्तृत अनुसन्धान भइरहेको जिल्ला प्रहरी कार्यालय, सिरहाका प्रमुख प्रहरी उपरीक्षक अनन्तराम शर्माले बताए ।

आनन्दी गत पुस ९ गते सिरहा बरियारपट्टी गाउँपालिका–१ मा बस्ने दिदिलाई भेट्न हिँडेको बखत स्थानीय २२ वर्षिय सञ्जीव कुमार यादव र ३२ वर्षीय श्यामसुन्दर यादवबाट यौन दुर्व्यवहारमा परेको आरोप लागेको छ ।

घटनालगत्तै सोही दिन छोरीलाई लिएर इलाका प्रहरी कार्यालय, महेशपुर पतारमा जाहेरी दर्खास्त दिन खोजेपनि घटनाको अढाई महिनापछि फागुन २५ मा मात्रै प्रहरीले पीडकविरुद्ध जबर्जस्ती करणी उद्योगमा जाहेरी दर्ता गरेको आमा बिल्टौन देवी सदायले बताएका छन् ।

यसबीचमा पीडकको पक्षबाट केही स्थानीयले घटना गाउँमै मिलाउन प्रयास गरेको पनि खुलेको छ । प्रहरीका अनुसार, फागुन २६ मा आरोपितहरूविरुद्ध सिरहा जिल्ला अदालतबाट पक्राउ पुर्जी पनि जारी भएको छ । तर, उनीहरूलाई अहिलेसम्म प्रहरीले पक्राउ नगरेको पीडितको भनाइ छ । आरोपितको घरमा प्रहरी पुगे पनि फेला नपरेको महेशपुर पतार प्रहरीका प्रमुख प्रहरी निरीक्षक रविनराज मैनालीले बताए ।

तपाइको प्रतिक्रिया
राष्ट्रिय आविष्कार केन्द्रबाट कम्प्युटर चोरी, सीसीटीभीमा कैद भयो घटना
पाँच स्थानीय तह भूमिसम्बन्धी समस्यामुक्त घोषणा
रुसमा सैन्य कार्गो विमान दुर्घटना, चालक दलसहित १९ जनाको मृत्यु
एनपिएलमा अनलाइन सट्टेबाजी गरेको आरोपमा भारतीय नागरिक पक्राउ  
विराटनगरलाई लजिस्टिक हब बनाउन कार्गो रेल सञ्चालनमा जोड
मोरङ र उदयपुरमा दुर्घटना : तीन जना घाइते, दुईको अवस्था गम्भीर
स्थानीय चुनावको तयारीमा एमाले, बुधबारदेखि राष्ट्रिय भेला
विराटनगरमा कराँते छनोटका क्रममा खेलाडी घाइते
डिकवेलाको अविजित अर्धशतकमा लुम्बिनी लायन्स फाइनलमा
कोशी र गण्डकीमा वर्षा तथा हिमपातको सम्भावना
© 2024 Muluki Khabar. All Rights Reserved. Design & Develop By: Indesign Media Pvt. Ltd.