कानुनी व्यवस्था नगरी ठूला ग्यास सिलिन्डर ल्याउने तयारी

Share this
711shares
मुलुकी खबर
मुलुकी खबर
clock२०८२ बैशाख ३, बुधबार ११:१२

काठमाडौँ । कानुनी व्यवस्थाबिनै सरकारले ४ सय ५० किलो क्षमताको ठूला ग्यास सिलिन्डर ल्याउने तयारी थालेको छ । हाल प्रयोगमा रहेको १४.२ किलो क्षमताको ग्यास सिलिन्डर नै सुरक्षित नभएको अवस्थामा यस्तो तयारी थालिएको हो ।

हाल चलनमा रहेका सिलिन्डर प्रयोग र सम्भावित जोखिम व्यवस्थापन सम्बन्धमा गर्नुपर्ने धेरै काम हुन सकेको छैन । यस्तो अवस्थामा नेपाल आयल निगमले ठूलो क्षमताका सिलिन्डर प्रयोगमा ल्याउन आन्तरिक रूपमा तयारी थालेको हो ।

निगम सञ्चालक समितिले ठूला सिलिन्डरको आवश्यकता भए, नभएको बारे अध्ययन गर्न नापतौल विभागलाई जिम्मेवारी दिने निर्णय गरेको छ । ठूला सिलिन्डर कार्यान्वयनका विषयमा गुणस्तर तथा नापतौल विभागमा कमिटी गठन भएको नेपाल आयल निगमका प्रवक्ता मनोज ठाकुरले बताएका छन् । गुणस्तर विभागले स्वीकृत दिएपछि विनियमावली संशोधन गरेर ठूला सिलिन्डर प्रयोगमा ल्याउन अनुमति दिइने उनको भनाइ छ ।

पर्याप्त अध्ययन, कानुनी आधार र मापदण्डबिना सीमित उद्योगीको स्वार्थका लागि ठूला सिलिन्डर कार्यान्वयनमा ल्याउन लागिएको र त्यसो भएमा ठूलो जोखिम निम्त्याउने जानकारहरू बताउँछन् ।

हाल पेट्रोलियम कारोबार ऐन, मापदण्ड, विस्फोटन विभागमा चासो नदिएको उद्योग वाणिज्य तथा आपूर्ति मन्त्रालय र नेपाल आयल निगमले ४ सय ५० किलो क्षमताको ग्याससहितको सिलिन्डर ल्याउन गृहकार्य हुनुले सरकार यो विषयमा संवेदनशील नभएको पुष्टि हुने उनीहरूको भनाइ छ ।

एलपी ग्यास उद्योग संघका अनुसार मुलुकभर ५९ ग्यास उद्योग छन् । नेपाल आयल निगमले ०७८ सालमा गरेको ग्यास सिलिन्डर प्रमाणीकरणअनुसार मुलुकभर १४.२ किलोका १ करोड ४४ लाख सिलिन्डर छन् । तर यी सिलिन्डरको अवस्थाबारे नियामक निकायले खासै चासो दिएको छैन ।

मासिक करिब ३३ लाख सिलिन्डर खपत हुने ग्यास कारोबारको अवस्था झनै अस्तव्यस्त छ । उद्योगमा ग्यास रिफिलिङदेखि विक्रेतासम्म आइपुग्दा मापदण्ड पूर्ण लागू गरिएको हुँदैन । सर्वसाधारणको अवस्था पनि उस्तै छ, ग्यास प्रयोगमा लापरबाही गरिरहेका हुन्छन् । सोही कारण ग्यास लिकेज, विस्फोटका घटना भइरहेको भनेर आलोचना हुँदै आएको छ ।

एलपी ग्यास उद्योग संघका सल्लाहकार धर्मराज बर्तौला ऐन मापदण्ड लागू नभई होटल रेस्टुरेन्टलगायतमा ठूला सिलिन्डर प्रयोगको अनुमति दिइए ठूलो जोखिम हुने बताउँछन् ।

निगमले एलपी ग्यास विनियमावली २०६५ अनुसार हाल १४.२ किलो तौलका सिलिन्डर बजारीकरण गर्न अनुमति दिएको छ । दफा ३ को उपदफा ३ को (च) ले पहाडी र उच्च हिमाली क्षेत्रमा ५ किलो र व्यावसायिक प्रयोजनका लागि १९ किलो क्षमताको सिलिन्डरलाई सैद्धान्तिक अनुमति दिन सक्ने व्यवस्था गरे पनि हाललाई १४.२ किलोमा मात्रै बजारीकरण गर्न पाइने व्यवस्था प्रयोगमा छ ।

तपाइको प्रतिक्रिया
राष्ट्रिय आविष्कार केन्द्रबाट कम्प्युटर चोरी, सीसीटीभीमा कैद भयो घटना
पाँच स्थानीय तह भूमिसम्बन्धी समस्यामुक्त घोषणा
रुसमा सैन्य कार्गो विमान दुर्घटना, चालक दलसहित १९ जनाको मृत्यु
एनपिएलमा अनलाइन सट्टेबाजी गरेको आरोपमा भारतीय नागरिक पक्राउ  
विराटनगरलाई लजिस्टिक हब बनाउन कार्गो रेल सञ्चालनमा जोड
मोरङ र उदयपुरमा दुर्घटना : तीन जना घाइते, दुईको अवस्था गम्भीर
स्थानीय चुनावको तयारीमा एमाले, बुधबारदेखि राष्ट्रिय भेला
विराटनगरमा कराँते छनोटका क्रममा खेलाडी घाइते
डिकवेलाको अविजित अर्धशतकमा लुम्बिनी लायन्स फाइनलमा
कोशी र गण्डकीमा वर्षा तथा हिमपातको सम्भावना
© 2024 Muluki Khabar. All Rights Reserved. Design & Develop By: Indesign Media Pvt. Ltd.