धरानबाट १९ किलो गाँजा बरामद, बाबु छोरासहित ३ जना पक्राउ

Share this
683shares
मुलुकी खबर
मुलुकी खबर
clock२०८२ बैशाख ३, बुधबार १२:३४

धरान । सुनसरीको धरान उपमहानगरपालिका–१३ आँपगाछीबाट प्रहरीले १९ किलोग्राम लागुऔषध गाँजा बरामद गरेको छ ।

अस्थायी प्रहरी चौकी अमरहाटको टोलीले लागुऔषध गाँजा बरामद गरेर बाबु छोरासहित ३ जनालाई पक्राउ गरेको छ । धनकुटाको भेडेटारबाट धरानतर्फ आउँदै गरेको को २ ह ४७३९ नम्बरको अटो टेम्पोलाई शंका लागेर चेकजाँच गर्दा १८ वटा पोका बनाएर ल्याइएको १९ किलो गाँजा फेला परेको प्रहरीको भनाइ छ ।

गाँजा भेट्नसाथ अटो चालक धरान–४ का ४८ वार्षीय जोकबहादुर राई, उनका छोरा ३० वर्षीय सुमन राई र अटोमा सवार धनकुटाको साँगुरीगढी गाउँपालिका–३ का ३६ वर्षीय सुरज लिम्बूलाई पक्राउ गरिएको इलाका प्रहरी कार्यालय धरानका डीएसपी प्रकाश जेबगूले बताए । उनका अनुसार पक्राउ परेकाहरुले गाँजा कहाँबाट ल्याइएका हुन् र कता लग्दै थिए भनेर खुल्न बाँकी छ ।

पक्राउ परेकाविरुद्ध लागुऔषध ऐनअन्तर्गतको मुद्दा चलाउने प्रहरीको तयारी छ । यस विषयमा थप अनुसन्धान भइरहेको प्रहरीले उल्लेख गरेको छ ।

तपाइको प्रतिक्रिया
राष्ट्रिय आविष्कार केन्द्रबाट कम्प्युटर चोरी, सीसीटीभीमा कैद भयो घटना
पाँच स्थानीय तह भूमिसम्बन्धी समस्यामुक्त घोषणा
रुसमा सैन्य कार्गो विमान दुर्घटना, चालक दलसहित १९ जनाको मृत्यु
एनपिएलमा अनलाइन सट्टेबाजी गरेको आरोपमा भारतीय नागरिक पक्राउ  
विराटनगरलाई लजिस्टिक हब बनाउन कार्गो रेल सञ्चालनमा जोड
मोरङ र उदयपुरमा दुर्घटना : तीन जना घाइते, दुईको अवस्था गम्भीर
स्थानीय चुनावको तयारीमा एमाले, बुधबारदेखि राष्ट्रिय भेला
विराटनगरमा कराँते छनोटका क्रममा खेलाडी घाइते
डिकवेलाको अविजित अर्धशतकमा लुम्बिनी लायन्स फाइनलमा
कोशी र गण्डकीमा वर्षा तथा हिमपातको सम्भावना
© 2024 Muluki Khabar. All Rights Reserved. Design & Develop By: Indesign Media Pvt. Ltd.