पक्राउ परे सन्तोष राजावादी

Share this
736shares
मुलुकी खबर
मुलुकी खबर
clock२०८२ बैशाख ६, शनिबार ०९:५४

काठमाडौं । काठमाडौं महानगरपालिका–३२ स्थित कोटेश्वरको महादेवस्थानबाट सन्तोष राजावादी भनेर चिनिने ३४ वर्षीय सन्तोषकुमार सिलवाल पक्राउ परेका छन् ।

नेपाल प्रहरीको केन्द्रीय अनुसन्धान ब्यूरो (सीआईबी)ले शुक्रबार राति आफन्तको घरबाट पक्राउ गरेको हो । उनी काठमाडौंको तीनकुनेमा चैत १५ गते राजावादीले गरेको हिंसात्मक प्रदर्शनमा सहभागी भएको प्रहरीको भनाइ छ ।

सीआईबीले पक्राउ गरेर उनलाई जिल्ला प्रहरी परिसर काठमाडौंको जिम्मा लगाएको छ । प्रहरीका अनुसार हिंसात्मक प्रदर्शनमा निषेधित क्षेत्र तोड्न बल गर्ने र भिडलाई उत्तेजित बनाउने भूमिका राजावादीले खेलेका थिए ।

राजावादीहरुले निषेधित क्षेत्र तोड्न खोजेपछि प्रहरीले बल प्रयोग गरेर प्रदर्शनकारीलाई तितरबितर पारेको थियो । हिंसात्मक प्रदर्शनका क्रममा १ जना पत्रकारसहित २ जनाको मृत्यु भएको थियो ।

प्रदर्शनकारीले पार्टी कार्यालय, सपिङ कम्प्लेक्स र अन्य सार्वजनिक तथा निजी सम्पत्तिमा तोडफोड, आगजनी र लुटपाट गरेका थिए । तोडफोड र आगजनीमा संलग्नहरुलाई अहिले पनि प्रहरीले खोजिरहेको छ ।

प्रहरीले हालसम्म २ सयभन्दा बढीलाई नियन्त्रणमा लिइसकेको छ । अहिलेसम्म ८२ जनाविरुद्ध अदालतबाट म्याद थप गरेर प्रहरीले अनुसन्धान गरिरहेको छ ।

तपाइको प्रतिक्रिया
राष्ट्रिय आविष्कार केन्द्रबाट कम्प्युटर चोरी, सीसीटीभीमा कैद भयो घटना
पाँच स्थानीय तह भूमिसम्बन्धी समस्यामुक्त घोषणा
रुसमा सैन्य कार्गो विमान दुर्घटना, चालक दलसहित १९ जनाको मृत्यु
एनपिएलमा अनलाइन सट्टेबाजी गरेको आरोपमा भारतीय नागरिक पक्राउ  
विराटनगरलाई लजिस्टिक हब बनाउन कार्गो रेल सञ्चालनमा जोड
मोरङ र उदयपुरमा दुर्घटना : तीन जना घाइते, दुईको अवस्था गम्भीर
स्थानीय चुनावको तयारीमा एमाले, बुधबारदेखि राष्ट्रिय भेला
विराटनगरमा कराँते छनोटका क्रममा खेलाडी घाइते
डिकवेलाको अविजित अर्धशतकमा लुम्बिनी लायन्स फाइनलमा
कोशी र गण्डकीमा वर्षा तथा हिमपातको सम्भावना
© 2024 Muluki Khabar. All Rights Reserved. Design & Develop By: Indesign Media Pvt. Ltd.