कुँवर र कार्की कोशीका सर्वोत्कृष्ट प्रहरी

Share this
732shares
मुलुकी खबर
मुलुकी खबर
clock२०८२ बैशाख ६, शनिबार १९:३७

विराटनगर । कोशी प्रदेश प्रहरी कार्यालय विराटनगरले अपराध अनुसन्धानमा उल्लेखनीय काम गरेका २ जना प्रहरी अधिकृतलाई चैत महिनाको सर्वोत्कृष्ट घोषित गरेको छ ।

इलाका प्रहरी कार्यालय धरानका इन्स्पेक्टर दिवश कुँवर र मोरङको अमाहीवरयाती प्रहरी चौकीमा कार्यरत असई नवराज कार्कीलाई चैत महिनाको सर्वोत्कृष्ट प्रहरी घोषित गरिएको प्रदेश प्रहरी प्रवक्ता एसएसपी भीमबहादुर दाहालले जानकारी दिए । उनका अनुसार विभागीय मूल्य, मान्यता अनुरूप अपराध अनुसन्धानमा उल्लेखनीय योगदान गरेकाले सर्वोत्कृष्ट प्रहरी घोषित गरिएको हो ।

प्रदेश भरबाट प्रत्येक महिना सर्वोत्कृष्ट कार्य गर्ने प्रहरीलाई प्रोत्साहन स्वरूप सम्मान गर्दै सर्वोत्कृष्ट घोषित गर्ने गरिएको छ । कुँवर चैत २५ गते सुनसरीको धरान –६ स्थित जंगलमा शंकास्पद अवस्थामा मृत भेटिएकी धनकुटा महालक्ष्मी –१ की ३४ वर्षीया चुनकुमारी दाहाल बुढाथोकीको हत्याको अनुसन्धान गरेर घटनामा संलग्न ५ जनालाई पक्राउ गर्न सफल भएका थिए ।

त्यस्तै, चैत २१ गते मोरङको जहदा गाउँपालिका –७ का २७ वर्षीय उमेश कामतको घरबाट १ हजार ८८ किलोग्राम लागुऔषध गाँजा बरामद गरी कामतलाई पक्राउ गरेका असई कार्की पनि सर्वोत्कृष्ट प्रहरी घोषित भएका हुन् । दुवै जनालाई कोशी प्रदेश प्रहरी प्रमुख डीआईजी राजन अधिकारीले ‘वेस्ट पुलिस अफ दी मन्थ’को उपाधि प्रदान गरेका छन् ।

तपाइको प्रतिक्रिया
राष्ट्रिय आविष्कार केन्द्रबाट कम्प्युटर चोरी, सीसीटीभीमा कैद भयो घटना
पाँच स्थानीय तह भूमिसम्बन्धी समस्यामुक्त घोषणा
रुसमा सैन्य कार्गो विमान दुर्घटना, चालक दलसहित १९ जनाको मृत्यु
एनपिएलमा अनलाइन सट्टेबाजी गरेको आरोपमा भारतीय नागरिक पक्राउ  
विराटनगरलाई लजिस्टिक हब बनाउन कार्गो रेल सञ्चालनमा जोड
मोरङ र उदयपुरमा दुर्घटना : तीन जना घाइते, दुईको अवस्था गम्भीर
स्थानीय चुनावको तयारीमा एमाले, बुधबारदेखि राष्ट्रिय भेला
विराटनगरमा कराँते छनोटका क्रममा खेलाडी घाइते
डिकवेलाको अविजित अर्धशतकमा लुम्बिनी लायन्स फाइनलमा
कोशी र गण्डकीमा वर्षा तथा हिमपातको सम्भावना
© 2024 Muluki Khabar. All Rights Reserved. Design & Develop By: Indesign Media Pvt. Ltd.