
विराटनगर । नेपाल कराँते महासंघ कोशी प्रदेशको तदर्थ समिति गठन भएको छ । तदर्थ समितिको संयोजकको जिम्मेवारी अन्तर्राष्ट्रिय प्रशिक्षक प्रभाकर राना मगरले पाएका छन् ।
कोशी प्रदेश खेलकुद विकास बोर्डको २७ औँ बैठकले मगरको संयोजकत्वमा ११ सदस्यीय तदर्थ समिति गठन गरेको हो ।
बोर्डले महासंघको आन्तरिक विवादका कारण प्रदेशमा वैधानिक महासंघ गठन नभएकोले ३ महिनाभित्र अधिवेशन गरेर पूर्ण समिति गठन र बोर्डमा दर्ता गराउने जिम्मेवारीसहित तदर्थ समिति गठन गरेको बोर्डका सदस्यसचिव कृष्ण बस्नेत (पर्शुराम) ले जानकारी दिए ।
तदर्थ समितिको सदस्यमा अनिष राजधामी, रेनुका राई, कमिककुमार राई, अनिल नेपाल, रूपा लिम्बू, रविन राई, मोतीचन्द्र राई, दीपक मगर, विप्लव राई, सागर राउत रहेका छन् ।



















