
विराटनगर । विराटनगरमा जारी कोशी प्रदेशस्तरीय तेस्रो मिल्स भेट्रान्स गोल्डकप फुटबलको फाइनलमा सुनसरीको धरान भेट्रान्स क्लब पुगेको छ ।
प्रतियोगिताअन्तर्गत बुधबार (आज) जुट मिलको खेल मैदानमा भएको खेलमा धरानले मोरङको पथरीशनिश्चरे भेट्रान्स क्लबलाई टाइब्रेकरमा ४–१ गोल फरकमा हराउँदै उपाधि नजिक पुगेको हो ।
खेलको निर्धारित समयमा दुवै टोली १–१ गोलको बराबरी खेलेपछि खेल टाइब्रेकरमा पुगेको थियो ।
बिहीबार आयोजक मिल्स भेट्रान्स क्लब र मोरङको सुन्दरहरैँचा भेट्रान्स क्लबबीचको विजेतासँग धरानले उपाधिका लागि खेल्ने छ ।
खेलको प्लेयर अफ द म्याच धरानका विकास लामाले १ हजार १ सय रुपैयाँ प्राप्त गरे ।
प्रतियोगिताको विजेताले ७५ हजार र उपविजेताले ३५ हजार रुपैयाँका साथै ट्रफी प्राप्त गर्ने छ ।



















