झापामा दुर्घटना हुँदा सफारी चालकको मृत्यु

Share this
689shares
मुलुकी खबर
मुलुकी खबर
clock२०८२ असार २१, शनिबार १०:५४

विराटनगर । झापामा शनिबार बिहान दुर्घटना हुँदा सीटी सफारी चालकको मृत्यु भएको छ । मेचीनगर नगरपालिका–१० ढाट चोकस्थित भित्री सडक खण्डमा दुर्घटना भएको हो ।

महामती फर्निचर उद्योगबाट नागाडुब्बातर्फ जाँदै गरेको प्रदेश १–०१–००२ ह ७१०५ नम्बरको सफारी आफैं अनियन्त्रित भएर बिहान ९ः३० बजेतिर दुर्घटना भएको प्रहरीले जनाएको छ । प्रहरीका अनुसार दुर्घटनामा सफारी चालक मेचीनगर–११ का ३२ वर्षीय राज कररियाको मृत्यु भएको हो ।

दुर्घटनामा परेर गम्भीर घाइते भएका उनको उपचारका क्रममा बिर्तामोडको बी एन्ड सी अस्पतालमा बिहान १० बजेतिर मृत्यु भएको जानकारी प्रहरीले जनाएको छ । प्रहरीले घटनाको अनुसन्धान गरिरहेको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.