सुनसरीमा अटोभित्र भेटियो १ सय २८ किलो गाँजा

Share this
683shares
मुलुकी खबर
मुलुकी खबर
clock२०८२ साउन १७, शनिबार १२:०७

विराटनगर । सुनसरीमा अटो टेम्पोभित्र १ सय २८ किलोग्राम गाँजा फेला परेको छ । केसलिया खोला हुँदै विराटनगरतर्फ आउने भित्री सडक खण्डअन्तर्गत बर्जु गाउँपालिका–३ बाट प्रहरीले शुक्रबार साँझ अटो नियन्त्रणमा लिएको थियो ।

सुनसरी प्रहरीका प्रवक्ता डीएसपी योगराज खतिवडाका अनुसार प्रहरी चौकी अमडुवाबाट खटिएको टोलीले विराटनगरतर्फ आउँदै गरेको को २ ह १५१४ नम्बरको अटोलाई नियन्त्रणमा लिएको थियो । प्रहरीले रोक्नसाथ अटो छाडेर चालक फरार भए ।

अटोलाई नियन्त्रणमा लिएर खानतलासी गर्दा १ सय २८ किलो गाँजा बरामद भएको डीएसपी खतिवडाले बताए । उनका अनुसार ५ वटा जेब्रा झोलाभित्र प्याक गरेर राखेको अवस्थामा गाँजा फेला परेको हो ।

बरामद भएको गाँजा र अटोलाई इलाका प्रहरी कार्यालय दुहबीमा लगेर राखिएको छ । फरार भएका चालकको खोजी तीव्र पारेर थप अनुसन्धान अघि बढाइएको प्रहरीले जनाएको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.