
काठमाडौं । पृथ्वी लोकमार्ग अवरुद्ध भएकाे छ । धादिङको बेनिघाट रोराङ गाउँपालिका-१० बाँदरेमोडमा पहिराेका कारण सडक अवरुद्ध भएको हाे ।
सडकमा सुक्खा पहिरो खसेपछि सडक दुईतर्फी बन्द भएको हो । अहिले पहिरो हटाएर सडक खुलाउने प्रयास भइरहेको छ ।
अस्थायी प्रहरी पोष्ट जवाङखोला, प्रहरी चौकी जोगिमा र इलाका प्रहरी कार्यालय गजुरीको टोली पहिरो पन्छाउन खटिएको छ । सडक अवरुद्ध हुँदा गन्तव्यका लागि छुटेका यातायातका साधन अलपत्र परेका छन् ।

























