कोशीमा चार भाटभटेनी स्टोरमा आगजनी

Share this
750shares
मुलुकी खबर
मुलुकी खबर
clock२०८२ भदौ २५, बुधबार १५:३६

विराटनगर । पूर्व क्षेत्रमा रहेको चार भाटभटेनी सुपरमार्केटमा लुटपाट र आगजनी भएको छ ।

भाटभटेनीको विराटनगर, इटहरी, धरान, दमक र विर्तामोडमा स्टोर छन् ।

इटहरी बाहेक सबै स्टोरमा नियोजित रुपमा तोडफोड र आगजनी भएको छ । इटहरीमा रहेको भाटभटेनीमा अगजनी गर्न पुगेको समूहलाई भने स्थानीयले रोकेका िथए ।

विराटनगर शाखामा मंगलबार बेलुका लुटपाट गर्ने समूहले लुटपाटसँगै आगजनी गरेको थियो । आगजनीका कारण भाटभटेनीको विराटनगर स्टोर पूर्णरुपमा जलेको छ । विराटनगरमा आगजनीपछि दमक, बिर्तामोड र धरानमा आगजनी भएको थियो ।

आगजनीको कारण भाटभटेनीमा पुगेको क्षतिको विवरण संकलन भइसकेको छैन ।

मिनबहादुर गुरुङले सञ्चालन गरेको भाटभटेनीमा योजनावद्ध रुपमा आगजनी र लुटपाट भएको सुरक्षास्रोत बताउँछ । भाटभटेनीमा आगजनी हुँदा सयौंका रोजगारी संकटमा परेको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.