
काठमाडौं । जेनजी युवा आन्दोलनको क्रममा आगजनी भएको सिंहदरबारका भवन रंगरोगन सुरु गरिएको छ । आगो र धुवाँले कालो देखिएका मन्त्रालयको बाहिरी भागमा रंगरोगन सुरु गरिएको हो ।
बिहीबार अर्थ मन्त्रालयमा सेतो रंग लगाउने क्रम जारी छ । मजदुरहरुले बाँसको अग्लो भर्याङ बनाएर रंग लगाइरहेका छन् । भित्री भागको काम भने पछि गरिनेछ ।
आइतबार सिंहदरबार क्षेत्रभित्रका क्षतिग्रस्त भवनहरुको अवलोकन गर्दै मन्त्री कुलमान घिसिङले रंगरोगन गर्न निर्देशन दिएका थिए ।

























