
उदयपुर । उदयपुरमा माटो खन्ने क्रममा ढिस्कोले पुरिएर १ जना महिलाको मृत्यु भएको छ ।
दसैँका लागि घर लिपपोत गर्नलाई माटो खन्न गएकी त्रियुगा नगरपालिका–३ की २४ वर्षीया रमिला राईको मृत्यु भएको प्रहरीले जनाएको छ । राई आफ्नो घरको लिपपोतका लागि माटो लिन स्थानीय गेरुवाई खोला गएकी थिइन् ।
माटो खन्ने क्रममा अचानक माथिबाट ठूलो ढिस्को खस्दा पुरिएकी उनको घटनास्थलमै मृत्यु भएको जानकारी प्रहरीले दिएको छ । प्रहरीले घटनाको थप अनुसन्धान गरिरहेको छ ।

























