काेशी र बागमतीमा भारी वर्षाकाे सम्भावना

Share this
682shares
मुलुकी खबर
मुलुकी खबर
clock२०८२ असोज ७, मंगलबार ०६:२८

काठमाडौं । जल तथा मौसम विज्ञान विभागका अनुसार हाल मनसुनी वायुको प्रभाव केही कमजोर छ । स्थानीय वायुको आंशिक प्रभाव रहेको छ । जसले गर्दा देशका केही स्थानमा आज भारी वर्षाको सम्भावना छ ।

विभागका अनुसार दिउँसो कोशी प्रदेशलगायत देशको पहाडी भूभागमा साधारणतया बदली रहनेछ । बाँकी भूभागमा आंशिक बदली हुनेछ ।

कोशी, मधेस, बागमती र गण्डकी प्रदेशको पहाडी भूभागको थोरै स्थानमा तथा बाँकी प्रदेशको पहाडी क्षेत्रका तथा तराई भूभागका एकदुई स्थानमा मध्यम वर्षाको सम्भावना छ ।

कोशी र बागमती प्रदेशको पहाडी भूभागको एकदुई स्थानमा भारी वर्षाको सम्भावना छ ।

विभागले राति पहाडी भूभागमा साधारणतया बदली रहने बताएको छ ।  बाँकी भूभागमा आंशिक बदली रहनेछ ।

देशको पहाडी भूभागका थोरै स्थानमा तथा तराई भूभागका एकदुई स्थानमा मध्यम वर्षाको सम्भावना रहेको छ ।

 

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.