फाइल फोटो ।सिन्धुपाल्चोक । सिन्धुपाल्चोकको बलेफी गाउँपालिका–१ जलबिरेस्थित बलेफी–ढाडे भित्री सडक खण्डमा बुधबार दिउँसो पहिरोमा परेर २ जना बालिका बेपत्ता भएका छन् ।
चौतारा साँगाचोकगढी नगरपालिका–२ भोटे फुल्पिङ घर भई जुगल गाउँपालिका–२ गोल्छेमा रहेको मामाघर जाँदै गरेका ज्याङजेङ लामाकी १७ वर्षीया छोरी फूलमाया लामा र उनी ५ वर्षीया बहिनी मनमाया लामा पहिरोमा परेर हराएको सिन्धुपाल्चोक प्रहरी प्रमुख रामेश्वर कार्कीले जानकारी दिए ।
दिउँसो करिब ४ः४५ बजेतिर सडक माथिबाट आएको लेदोमिश्रित पहिरोमा परेर उनीहरु बेपत्ता भएका हुन् । बेपत्ता बालिकाको खोजी भइरहेको प्रहरीले जनाएको छ ।

























