
विराटनगर । दसैँमा शिक्षकको तलब भुक्तानी नगरे कारबाही गर्ने शिक्षा विज्ञान तथा प्रविधि मन्त्री महावीर पुनले चेतावनी दिएका छन् । उनले तलब भुक्तान नगरेका विद्यालयलाई आइतबारसम्म तलब भुक्तानी गर्ने समय दिएका छन् ।
शनिबार बिहान सामाजिक सञ्जालमा लेख्दै दसैँ–तिहारका बेला तलब निकासा नभएको भन्दै शिक्षकहरूबाट व्यापक गुनासो आइरहेकाले आइतबारसम्म उपलब्ध गराउन निर्देशन दिएका हुन् ।
शिक्षा मन्त्रालयबाट तलब पहिले नै विद्यालयहरूमा पठासकेको जानकारी दिँदै आइतबारसम्म शिक्षकहरूलाई पारिश्रमिक उपलब्ध नगराए सम्बन्धित प्रधानाध्यापकलाई नियमानुसार कारबाही गरिने उनको भनाइ छ ।
उनले भनेका छन्, ‘तलब नख्वाउने प्रअहरूलाई सूचना( दसैँ(तिहारको अवसरमा विद्यालय व्यवस्थापन समितिले र प्रधानाध्यापकले तलब निकासा गरिदिएन भनेर धेरै गुनासो आएको छ। शिक्षा मन्त्रालयबाट तलब पहिले नै विद्यालयहरूमा पठाइसकेको छ। भोलि सम्ममा कुनै नाजायज र अन्यायपूर्ण तरिकाले तलब नपाएको शिक्षकहरूको तलब निकास नगरेमा त्यस्ता विद्यालयका प्रधानाध्यापकलाई नियमानुसार कारबाही गरिनेछ।’

























