
विराटनगर । बाढी प्रभावितहरुका लागि कोशी प्रदेश सरकारले राहत सामग्री पठाएको छ ।
इलाममा नेपाली सेनाको हेलिकप्टर र झापाका बाढी प्रभावितहरुका लागि सडकमार्ग हुँदै राहत सामग्री पठाएको हो । इलामको दक्षिणी क्षेत्रका लागि पनि सडक मार्ग हुँदै राहत सामग्री पठाइएको आन्तरिक मामिला तथा कानुन मन्त्रालयले जनाएको छ ।
बुधबार इलामको माइजोगमाई, माई, इलाम, नगरपालिका र झापाकाे झापा गाउँपालिकालगायतका क्षेत्रमा राहत सामग्री पठाएको हो ।
कोशी प्रदेशका आन्तरिक मामिला तथा कानुन मन्त्री रेवतीरमण भण्डारीले प्रदेश सरकारसँग भएका राहतका सामग्री बाढी प्रभावितलाई वितरणका लागि सम्बन्धित पालिकामा पठाइएको बताए । राहत सामग्री स्थानीय पालिका र जिल्ला प्रशासन कार्यालयले वितरण गर्नेछन् ।
मुख्यमन्त्री हिक्मतकुमार कार्कीले मृतकका परिवारका लागि प्रदेश सरकारले राहत सामग्री वितरण सँगै भत्किएका सडक र अन्य संरचना मर्मतको काम पनि सुरु गरेको जानकारी दिए ।

























