दिदीबहिनी, दाजुभाइ नहुनेका लागि आज बालगोपालेश्वर मन्दिर खुला

Share this
709shares
मुलुकी खबर
मुलुकी खबर
clock२०८२ कात्तिक ६, बिहीबार ०५:५०

काठमाडौँ । तिहारको भाइटीकाको अवसरमा आज काठमाडौँको रानीपोखरीभित्र अवस्थित बालगोपालेश्वर मन्दिर सर्वसाधारणका लागि खुला गरिएको छ।

दिदीबहिनी वा दाजुभाइ नहुने व्यक्तिहरूका लागि यो मन्दिर वर्षमा एकपटक भाइटीकाको दिनमात्रै खुल्ने परम्परा रहेको छ। यस्ता व्यक्तिहरूले यस दिन बालगोपालेश्वरको पूजा, दर्शन गरी एकअर्कालाई टीका लगाउने चलन छ।

त्यस्तै, काठमाडौँकै जयवागेश्वरीस्थित खञ्जनेश्वर महादेव मन्दिरमा पनि दिदीबहिनी र दाजुभाइ नहुनेहरूले आज पूजा, दर्शन र टीका लगाउने प्रथा रहँदै आएको छ।

वि.सं. २०३५ पछि रानीपोखरीभित्रको बालगोपालेश्वर मन्दिर नियमित रूपमा भाइटीकाको दिन खुल्ने गरिएको हो।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.