
विराटनगर । ताप्लेजुङको तमोर नदीमा पौडी खेल्ने क्रममा एक जना युवक बेपत्ता भएका छन् ।
फुङलिङ नगरपालिका–७ दोखुका ३० वर्षीय राजन काम्वाङ तमोर नदीमा पौडी खेल्ने क्रममा बेपत्ता भएको प्रहरीले जनाएको छ ।
प्रहरीका अनुसार काम्वाङ ससुरालीबाट घर फर्कने क्रममा फुङलिङ–८ को खड्कुडे भन्ने स्थानमा तमोर नदीमा पौडी खेल्न गएका थिए ।
पौडी खेल्ने क्रममा काम्वाङ बेपत्ता भएको खबर आउनासाथ खोजतलासका लागि प्रहरी सहायक निरीक्षक निमा शेर्पाको नेतृत्वको टोली परिचालित भएको र खोजी कार्य जारी रहेको प्रहरीले जनाएको छ ।























