झापाको जंगलभित्र कसले लगायो कारमा आगो ? खोज्दै प्रहरी

Share this
642shares
मुलुकी खबर
मुलुकी खबर
clock२०८२ कात्तिक १३, बिहीबार १४:१६

विराटनगर । झापाको मेचीनगर नगरपालिकास्थित एक वनभित्र बिहीबार बिहान एउटा कार आगलागी भएको अवस्थामा फेला परेको छ ।

चारआली–भद्रपुर सडक खण्डमा पर्ने मेचीनगर नगरपालिका–१२ र १३ नम्बर वडाको सिमानामा रहेको निजा झोडाभित्र कार जलिरहेको अवस्थामा फेला परेको झापा प्रहरीका प्रवक्ता डीएसपी खगेन्द्रबहादुर खड्काले जानकारी दिए ।

बिहान करिब १०ः३० बजेतिर मुख्य सडकमा रहेको निजा झोडाको गेटदेखि करिब २ सय मिटरभित्र कार जलिरहेको खबर प्राप्त हुनासाथ दमकल र प्रहरी टोली घटनास्थल पुगेर आगो नियन्त्रणमा लिएको थियो ।

प्रहरी पुग्दा कार जलिरहेको अवस्थामा भेटिएको र घटनाको विषयमा हालसम्म केही नखुलेको डीएसपी खड्काले बताए । उनले भने, ‘कार कसको हो, कहाँबाट ल्याएको, कति नम्बरको हो भन्ने कोही खुलेको छैन । घटनाको विषयमा विभिन्न तवरबाट अनुसन्धान भइरहेको छ ।’

प्रहरीले कार आगलागीको घटना अज्ञात रहेको भन्दै यसको रहस्य पत्ता लगाउन गहिरो अनुसन्धान गरिरहेको जनाएको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.