मोरङको मिक्लाजुङमा १ जना पुरुष मृत फेला

Share this
695shares
मुलुकी खबर
मुलुकी खबर
clock२०८२ कात्तिक १९, बुधबार १५:३२
सांकेतिक तस्बिर

विराटनगर। मोरङको मिक्लाजुङ गाउँपालिका–६, कत्लेस्थित कच्ची सडक किनारमा एक पुरुष मृत अवस्थामा फेला परेका छन् ।

मृतकको पहिचान उर्लाबारी नगरपालिका–१ का अन्दाजी ४२ वर्षीय मनकुमार तामाङको रूपमा भएको प्रहरीले जनाएको छ । उनी अत्यधिक मादक पदार्थ सेवन (मापसे) गर्ने गरेको स्थानीयले बताएका छन् ।

तामाङ सडकछेउमा उत्तानो परेर लडिरहेको स्थानीयले देखेपछि इलाका प्रहरी कार्यालय मधुमल्लालाई खबर गरेका थिए ।

प्रहरी नायब निरीक्षक भीमबहादुर भुजेलको कमान्डमा घटनास्थलमा टोली खटिएको छ ।

घटनाबारे थप अनुसन्धान र कानुनी प्रक्रिया अगाडि बढाउनका लागि इलाका प्रहरी कार्यालय पथरीबाट प्रहरी निरीक्षक भीम राई र उर्लाबारीबाट प्रहरी नायब निरीक्षक चुडामणि पौडेलको कमान्डमा टोली परिचालन गरिएको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.