दमकमा अत्यधिक मदिरा सेवन गरेका पुरुषको मृत्यु

Share this
751shares
मुलुकी खबर
मुलुकी खबर
clock२०८२ कात्तिक २६, बुधबार १८:०६

विराटनगर । झापाको दमकमा अत्यधिक मदिरा सेवन गरेका पुरुषको मृत्यु भएको छ । दमक नगरपालिका–७ सयपत्री टोलका ४७ वर्षीय विनोद चौलागाईंको मृत्यु भएको प्रहरीले जनाएको छ ।

प्रहरीका अनुसार चौलागाईंलाई अत्यधिक मदिरा सेवन गरेर दमक–६ बोका हाउसअगाडि लडिरहेको अवस्थामा मंगलबार दिउँसो फेला पारिएको थियो । स्थानीयले उनलाई लडिरहेको अवस्थामा देखेका हुन् ।

त्यसपछि उनलाई भाइ योगेन्द्र चौलागाईंले घर लगेर राखेका थिए । बिरामी परेपछि बुधबार बिहान ९ः३० बजेतिर दमक अस्पतालमा भर्ना गरियो । अस्पताल पुर्याएको केहीबेरमै उनलाई चिकित्सकले मृत घोषित गरेका हुन् ।

कानुनी प्रक्रिया पूरा गरी शवको पोस्टमार्टम दमक अस्पतालमै गरिएको छ । प्रारम्भिक अनुसन्धानबाट अत्यधिक मदिरा सेवनका कारण उनको मृत्यु भएको पत्ता लागेको छ । इलाका प्रहरी कार्यालय दमकका डीएसपी किशोर लम्साल नेतृत्वको टोलीले घटनाको थप अनुसन्धान गरिरहेको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.