झापामा करेन्ट लागेर एक पुरुषको मृत्यु

Share this
743shares
मुलुकी खबर
मुलुकी खबर
clock२०८२ मंसिर ८, सोमबार १४:५७
सांकेतिक तस्बिर

झापा । झापाको गौरादह नगरपालिका र गौरीगञ्ज गाउँपालिकाको सिमानामा पर्ने रामचन्द्रे खोलामा माछा मार्ने क्रममा करेन्ट लागेर एक पुरुषको मृत्यु भएको छ । जिल्ला प्रहरी कार्यालयका अनुसार गौरादह-६ आरतीनगर बस्ने अन्दाजी ५० वर्षीय रामकुमार ताजपुरियाको करेन्ट लागेर मृत्यु भएको हो ।

ताजपुरियाले आफ्नो घरबाट करिब २०० मिटर उत्तर पश्चिममा रहेको रामचन्द्रे खोलामा घरको २२० भोल्ट लाइनको तार जोडेर माछा मार्ने प्रयास गरेका थिए । सोही क्रममा तार सर्ट भई उनलाई करेन्ट लागेको थियो र उनी पानीमा मृत अवस्थामा फेला परेका थिए । उनको शव उनकी श्रीमती फुल कुमारी ताजपुरियाले फेला पारेकी थिइन् ।

घटनापछि इलाका प्रहरी कार्यालय गौरीगञ्जबाट प्रहरी टोली खटिई घटनास्थल पुगेको थियो । प्रहरीले आवश्यक कानुनी प्रक्रिया पूरा गरी मृतकको शव पोष्टमार्टमका लागि दमक अस्पताल पठाएको थियो । पोष्टमार्टम पश्चात मृतकको शव उनका छोरा मनोजकुमार ताजपुरियाले बुझिलगेको प्रहरीले जानकारी दिएको छ । प्रहरीले घटनाको थप अनुसन्धान जारी राखेको छ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.