धरानमा ५० केजी गाँजासहित २ जना पक्राउ

Share this
688shares
मुलुकी खबर
मुलुकी खबर
clock२०८२ मंसिर ८, सोमबार १७:०३

धरान । प्रहरीले सुनसरीको धरान उपमहानगरपालिका–२० बाट ५० किलोग्राम लागूऔषध गाँजासहित पिकअप गाडीका चालक र सहचालकलाई नियन्त्रणमा लिएको छ ।

सोमबार दिउँसो करिब १:१० बजे अस्थायी प्रहरी चौकी विष्णुपादुका क्षेत्रमा नियमित गस्तीमा खटिएको प्रहरी टोलीले जाँचका क्रममा गाँजा बरामद गरेको हो ।

इलाका प्रहरी कार्यालय धरानका प्रमुख प्रहरी नायब उपरीक्षक (डीएसपी) भिषणबाबु राईका अनुसार, को १ ज २१७८ नम्बरको यात्रुवाहक पिकअप गाडी जाँच गर्दा गाडीमा लुकाएर राखिएको ५० केजी गाँजा फेला परेको थियो ।

प्रहरीले गाँजासहित गाडी चालक धनकुटा, साँगुरीगढी गाउँपालिका–९ का खड्गबहादुर मगराती र सहचालक दुर्गा बिकलाई नियन्त्रणमा लिएको छ ।

पक्राउ परेका दुवै जनालाई इलाका प्रहरी कार्यालय धरानमा राखी थप अनुसन्धान भइरहेको प्रहरीले जनाएको छ ।

सोही गाडीको पछाडिको भागमा सवार रहेका अन्य दुई जना भने प्रहरीलाई देख्नेबित्तिकै हाम फालेर भागेको र उनीहरूको खोजी कार्य जारी रहेको प्रहरीले जनाएको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.