भण्डारीलाई झिलकुमारी लुइँटेल स्मृति पत्रकारिता पुरस्कार

Share this
724shares
मुलुकी खबर
मुलुकी खबर
clock२०८२ फागुन १०, आइतबार १५:५५

विराटनगर । नारदमुनि पवित्रादेवी लुइँटेल स्मृति कोषले स्थापना गरेको ‘झिलकुमारी लुइँटेल स्मृति पत्रकारिता पुरस्कार’ पत्रकार विनोद भण्डारीलाई प्रदान गर्ने निर्णय गरेको छ। आइतबार विराटनगरमा बसेको कोषको पुरस्कार छनोट समितिको बैठकले साढे दुई दशकदेखि पत्रकारितामा सक्रिय भण्डारीलाई पुरस्कृत गर्ने निर्णय गरेको संस्थापक शंकर लुइँटेलले जानकारी दिए।

पुरस्कारको राशि ११ हजार १११ रुपैयाँ र सम्मानपत्र रहेको छ। छनोट समितिमा संस्थापक लुइँटेलसहित प्रेस युनियनका केन्द्रीय उपमहासचिव अभयकुमार राई, कोशी प्रदेश अध्यक्ष मीनकुमार नवोदित र नेपाल पत्रकार महासंघ मोरङकी अध्यक्ष सुशीला पाठक रहेका थिए।

विगत पाँच वर्षदेखि कोषले पत्रकारितामा योगदान पुर्‍याउने व्यक्तित्वहरूलाई पुरस्कृत गर्दै आएको छ। यसअघि यो पुरस्कारबाट पत्रकारहरू विक्रम निरौला, अभयकुमार राई, विनोद सुवेदी र सुशीला पाठक सम्मानित भइसकेका छन्।

घोषित पुरस्कार आगामी फागुन १७ गते मोरङको झोराहाटमा एक विशेष समारोहका बीच समर्पण गरिनेछ। सोही कार्यक्रममा पत्रकारिता पुरस्कारसँगै शिक्षक सम्मान र छात्रवृत्ति समेत वितरण गरिने कोषले जनाएको छ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.