निर्माणमा ढिलासुस्ती गर्ने तीन निर्माण कम्पनीलाई ठेक्का तोड्ने चेतावनी

Share this
639shares
मुलुकी खबर
मुलुकी खबर
clock२०८२ चैत २३, सोमबार १३:२८

काठमाडौं। सडक डिभिजन कार्यालय महेन्द्रनगर, कञ्चनपुरले निर्माण कार्यमा चरम ढिलासुस्ती गर्ने र आयोजना अलपत्र छाड्ने तीनवटा निर्माण कम्पनीहरूलाई ठेक्का किन नतोड्ने भन्दै १५ दिने सार्वजनिक सूचना जारी गरेको छ। पटक–पटक लिखित तथा मौखिक ताकेता गर्दा समेत काम सम्पन्न गर्न चासो नदेखाएपछि डिभिजनले सोमबार कारबाहीको प्रक्रिया अघि बढाएको हो।

कार्यालयले सूचना प्रकाशित भएको १५ दिनभित्र लिखित स्पष्टीकरण पेस गर्न निर्देशन दिएको छ। तोकिएको समयभित्र मनासिब कारणसहित स्पष्टीकरण नआएमा ठेक्का सम्झौता अन्त्य गरी कम्पनीहरूलाई कालोसूचीमा राख्ने, कार्यसम्पादन जमानत जफत गर्ने र बाँकी कामको थप खर्च सरकारी बाँकी सरह असुलउपर गर्ने चेतावनी सडक डिभिजनले दिएको छ।

यसरी कारबाहीको दायरामा परेका कम्पनीहरूमा मैनाचुली/मालिका/एमबीए जेभी, नागार्जुन कन्स्ट्रक्सन प्रालि र बज्रगुरु बी एण्ड बी सनलाइट जेभी रहेका छन्। मैनाचुली/मालिका/एमबीए जेभीले पूर्व–पश्चिम राजमार्गको अत्तरिया–गड्डाचौकी खण्डमा सडक विस्तार तथा ड्रेन निर्माणको जिम्मा पाएको थियो। त्यस्तै, नागार्जुन कन्स्ट्रक्सनले महाकाली राजमार्गको पुनस्र्थापना र भिरालो व्यवस्थापनको काम अधुरो छाडेको छ भने बज्रगुरु बी एण्ड बी सनलाइट जेभीले खुटिया पुल–उर्मा–भादा सडक स्तरोन्नतिको काम अलपत्र पारेको छ।

सडक डिभिजन महेन्द्रनगरका अनुसार सार्वजनिक खरिद ऐन २०६३ र नियमावली २०६४ को प्रावधान बमोजिम यी कम्पनीहरूमाथि कडा कानुनी कारबाही अघि बढाइनेछ। निर्माण व्यवसायीको लापरवाहीका कारण महत्त्वपूर्ण सडक आयोजनाहरू समयमै सम्पन्न हुन नसक्दा सर्वसाधारणले लामो समयदेखि सास्ती भोग्दै आएका छन्।

तपाइको प्रतिक्रिया
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
© 2024 Muluki Khabar. All Rights Reserved. Design & Develop By: Indesign Media Pvt. Ltd.