इन्धन सुविधामा उल्लेख्य कटौती

Share this
768shares
मुलुकी खबर
मुलुकी खबर
clock२०८२ चैत २४, मंगलबार ०६:३८
कच्चा तेलको मूल्य घट्यो, सेयर बजारमा पनि उछाल

काठमाडौं । अर्थ मन्त्रालयले सरकारी कर्मचारी तथा विशिष्ट पदाधिकारीलाई उपलब्ध गराउँदै आएको इन्धन सुविधामा उल्लेख्य कटौती गरेको छ । अर्थतन्त्रमा बढ्दो दबाब, अन्तर्राष्ट्रिय बजारमा पेट्रोलियम पदार्थको मूल्यवृद्धि र अपेक्षित राजस्व संकलन नहुँदा सार्वजनिक खर्चमा मितव्ययिता अपनाउने उद्देश्यसहित यो निर्णय गरिएको हो ।

अर्थमन्त्री डा. स्वर्णिम वाग्लेले सोमबार उक्त निर्णय स्वीकृत गरेका हुन् । मन्त्रालयका अनुसार आर्थिक कार्यविधि तथा वित्तीय उत्तरदायित्व ऐन, २०७६ को व्यवस्था प्रयोग गर्दै ‘कार्य सञ्चालन निर्देशिका, २०८१’ अन्तर्गत इन्धनसम्बन्धी प्रावधान संशोधन गरिएको हो ।

संशोधित व्यवस्थाअनुसार अब सचिव तथा विशिष्ट श्रेणीका पदाधिकारीले पाउँदै आएको १२५ लिटर इन्धन घटाएर ७० लिटरमा सीमित गरिएको छ । त्यसैगरी सहसचिवस्तरका कर्मचारीले पाउँदै आएको १०० लिटर इन्धन कटौती गरी ५० लिटर मात्र उपलब्ध गराइनेछ । तर, मन्त्री र संवैधानिक पदाधिकारीहरूको हकमा भने प्रचलित कानुनअनुसारकै सुविधा यथावत रहनेछ ।

केन्द्रीयस्तरका कार्यालयहरूमा प्रयोग हुने सवारीसाधनका लागि समेत इन्धन सुविधा घटाइएको छ । ३० जनासम्म कर्मचारी भएका कार्यालयले अब ३५ लिटर पेट्रोल र ५० लिटर डिजेल मात्र पाउनेछन्, जुन यसअघि क्रमशः ७५ लिटर र १०० लिटर थियो । थप कर्मचारी भएका कार्यालयमा पनि सोही अनुपातमा इन्धन उपलब्ध गराइने व्यवस्था गरिएको छ ।

यस्तै, दुईपांग्रे सवारीसाधनका लागि मासिक १२ लिटर पेट्रोल दिँदै आएकोमा अब ८ लिटरमा झारिएको छ । मन्त्रालयको यो निर्णयले सरकारी खर्च नियन्त्रणमा सहयोग पुग्ने र इन्धन प्रयोगमा अनुशासन कायम हुने अपेक्षा गरिएको छ ।

तपाइको प्रतिक्रिया
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
© 2024 Muluki Khabar. All Rights Reserved. Design & Develop By: Indesign Media Pvt. Ltd.