वाणिज्य बैंकहरूको नाफा ४३ अर्बमाथि : नबिल अग्रस्थानमा

Share this
665shares
मुलुकी खबर
मुलुकी खबर
clock२०८२ चैत २५, बुधबार १०:२७

काठमाडौं । चालु आर्थिक वर्ष २०८२/८३ को पहिलो आठ महिनामा सञ्चालनमा रहेका २० वटा वाणिज्य बैंकहरूले कुल ४३ अर्ब ८८ करोड ४९ लाख रुपैयाँ खुद नाफा कमाएका छन् । नेपाल राष्ट्र बैंकको पछिल्लो तथ्याङ्कअनुसार यो नाफा अघिल्लो आर्थिक वर्षको सोही अवधिको तुलनामा ०.८९ प्रतिशतले बढी हो । अघिल्लो वर्ष बैंकहरूले ४३ अर्ब ४९ करोड रुपैयाँ नाफा कमाएका थिए ।

साउनदेखि फागुनसम्मको अवधिमा नबिल बैंक सबैभन्दा बढी नाफा कमाउने बैंक बनेको छ । नबिलले ६ अर्ब ७ करोड रुपैयाँ खुद नाफा आर्जन गरेको छ । त्यसैगरी ग्लोबल आईएमई बैंकले ४ अर्ब ६२ करोड र कुमारी बैंकले ३ अर्ब ६३ करोड रुपैयाँ नाफा कमाएका छन् ।

यस अवधिमा केही बैंकहरूको नाफामा भने उल्लेख्य गिरावट देखिएको छ । एनआईसी एशिया बैंकको खुद नाफा सबैभन्दा कम ३० करोड ८२ लाख रुपैयाँमा सीमित भएको छ । यस्तै लक्ष्मी सनराइज बैंकले ६५ करोड ४ लाख र सिटिजन्स बैंकले ८० करोड रुपैयाँ मात्र नाफा कमाएका छन् ।

प्रतिशतका आधारमा कुमारी बैंकको नाफामा २७४.६५ प्रतिशतको छलाङ देखिएको छ । सिद्धार्थ बैंकको ६८.३१ र कृषि विकास बैंकको नाफा ६५.५६ प्रतिशतले बढेको छ । यद्यपि, एनआईसी एशिया, लक्ष्मी सनराइज र नेपाल बैंक लगायतका ११ वटा बैंकको नाफा भने अघिल्लो वर्षको तुलनामा घटेको छ । लक्ष्मी सनराइजको ६७.३६ प्रतिशत र एनआईसी एशियाको ६२.४० प्रतिशतले नाफा घटेको तथ्याङ्कले देखाएको छ ।

तपाइको प्रतिक्रिया
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
© 2024 Muluki Khabar. All Rights Reserved. Design & Develop By: Indesign Media Pvt. Ltd.