पानीको मूल्य समायोजन गर्ने महासंघको निर्णय 

Share this
726shares
मुलुकी खबर
मुलुकी खबर
clock२०८३ बैशाख ५, शनिबार ११:३१
पानीको मूल्य समायोजन गर्ने महासंघको निर्णय 

काठमाडौं । नेपाल पानी उद्योग महासंघले प्रशोधित पिउने पानीको बजार मूल्य समायोजन गर्ने निर्णय गरेको छ । कच्चा पदार्थ, ढुवानी र उत्पादन लागतमा अस्वाभाविक वृद्धि भएपछि हालकै मूल्यमा उद्योग सञ्चालन गर्न असम्भव भएको जनाउँदै महासंघले यस्तो कदम चालेको हो ।

एक प्रेस विज्ञप्ति जारी गर्दै महासंघले देशभर सञ्चालनमा रहेका ६२० भन्दा बढी पानी उद्योग र त्यसमा आश्रित ३० हजारभन्दा बढी मजदुरको भविष्य सुरक्षित गर्न मूल्य समायोजन अपरिहार्य भएको स्पष्ट पारेको छ ।

महासंघका अनुसार पछिल्लो समय पानी प्याकेजिङका लागि आवश्यक पर्ने बोटल, क्याप, र्‍यापिङ सामग्री र जार लगायतका कच्चा पदार्थको मूल्यमा ४० प्रतिशतभन्दा बढीले वृद्धि भएको छ । साथै, पेट्रोलियम पदार्थमा भएको मूल्यवृद्धिका कारण ढुवानी खर्च समेत अकासिएको छ ।

मूल्यवृद्धिको साइनो अन्तर्राष्ट्रिय परिस्थितिसँग पनि जोडिएको महासंघको ठहर छ । विशेषगरी इरान–इजरायल तनाव र इरान–अमेरिकाबीचको द्वन्द्वात्मक अवस्थाले अन्तर्राष्ट्रिय आपूर्ति प्रणालीमा अवरोध सिर्जना गरेको र त्यसको प्रत्यक्ष असर नेपाली पानी उद्योगको कच्चा पदार्थ आयातमा परेको विज्ञप्तिमा उल्लेख छ ।

महासंघले यो निर्णय नाफा कमाउने उद्देश्यले नभई उद्योग बचाउने अन्तिम विकल्पका रूपमा लिइएको बताएको छ । ‘यो कुनै नाफामूलक निर्णय नभई बढेको उत्पादन लागत, ढुवानी खर्च र कच्चा पदार्थको मूल्यवृद्धिका कारण सिर्जित बाध्यात्मक परिस्थिति हो,’ महासंघले भनेको छ, ‘उद्योगको दिगोपना, गुणस्तर कायम र उपभोक्तामा नियमित आपूर्ति सुनिश्चित गर्न मूल्य समायोजन अहिलेको आवश्यकता बनेको छ ।’ महासंघले आफ्ना सदस्य उद्योगीहरूलाई लागत वृद्धिको अनुपातमा मूल्य समायोजन गरी बिक्री वितरण गर्न अनुरोध समेत गरेको छ ।

नेपालको पानी उद्योग क्षेत्रमा १६ अर्ब रुपैयाँभन्दा बढी लगानी रहेको छ । सुरक्षित र गुणस्तरीय पानी आपूर्ति गर्दै राष्ट्रिय अर्थतन्त्र र राजस्वमा ठुलो योगदान पुर्‍याउँदै आएको यस क्षेत्रलाई सरकारले विशेष सम्बोधन गर्नुपर्ने माग महासंघको छ ।
विज्ञप्ति मार्फत महासंघले नेपाल सरकारसँग उद्योगमैत्री नीति ल्याउन, कच्चा पदार्थको आपूर्ति सुनिश्चित गर्न र ढुवानी लागत नियन्त्रणका उपायहरू अपनाउन जोडदार माग गरेको छ ।

बढ्दो महँगी र अन्तर्राष्ट्रिय संकटको मारमा परेका पानी उद्योगीहरूको यो निर्णयसँगै अब बजारमा जार र बोतलको पानीको मूल्य केही बढ्ने देखिएको छ ।

तपाइको प्रतिक्रिया
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
मोरङमा सेप्टिक ट्यांकीभित्र बालकको शव फेला
© 2024 Muluki Khabar. All Rights Reserved. Design & Develop By: Indesign Media Pvt. Ltd.