सुनचाँदीको मूल्यमा निरन्तर गिरावट

विराटनगर । नेपाली बजारमा केही दिनयता सुनचाँदीको मूल्यमा निरन्तर गिरावट आइरहेको छ । सुनचाँदीकै मूल्य दैनिक रूपमा घटिरहेको हो । शुक्रबार पनि सुन र चाँदीकै मूल्य घटेको छ ।

नेपाल सुनचाँदी व्यवसायी महासंघका अनुसार सुनको मूल्य शुक्रबार तोलाको २ हजार २ सय रूपैयाँले घटेको छ । भाउ घटेसँगै सुन प्रतितोला २ लाख ९६ हजार ५ सय रूपैयाँमा किनबेच भइरहेको छ । बिहीबार सुनको मूल्य तोलाको २ लाख ९८ हजार ७ सय रूपैयाँ थियो ।

Advertisement

त्यस्तै, चाँदीको मूल्य प्रतितोला ७५ हजार रूपैयाँले घटेको छ । भाउ घटेसँगै चाँदी प्रतितोला ४ हजार ९ सय ४५ रूपैयाँमा कारोबार भइरहेको छ । बिहीबार चाँदीको मूल्य तोलाको ५ हजार २० रूपैयाँ थियो ।