२०८३ जेष्ठ ५, मंगलबार १०:२२
काठमाडौं । सर्वोच्च अदालतमा पछिल्लो समय विकसित घटनाक्रम र न्याय सम्पादनमा देखिएको अवरोधप्रति विरोध जनाउँदै नेपाल बार एसोसिएसनले मंगलबार (आज) सांकेतिक रूपमा ‘लालटिन’ बालेर प्रदर्शन गर्ने भएको छ।
अदालतमा दर्ता हुन आउने रिट निवेदनहरू दर्ता नै नहुने परिस्थिति निर्माण भएको भन्दै बारले त्यसको विरोधमा प्रदर्शन गर्न लागेको हो । गत आइतबार बसेको बारको आकस्मिक बैठकले न्यायको खोजीका लागि सांकेतिक रूपमा लालटिन बाल्ने निर्णय गरेको थियो ।
नेपाल बार एसोसिएसनका अध्यक्ष डा. विजयप्रसाद मिश्रका अनुसार दिउँसो १ बजे नेपाल बारको कार्यालय प्रांगणमा भेला भई लालटिन बालिने छ। उनले अदालतको ढोका न्यायका लागि सधैँ खुला हुनुपर्नेमा रिट दर्ता नै नहुने अवस्था आउनु दुःखद भएको बताए।
अदालतमा न्यायको खोजी गर्न जाँदा रिट र मुद्दा नै दर्ता हुँदैनन् भने जनताले कहाँ न्याय पाउने ? न्याय खोज्न कहाँ जाने ?’ अध्यक्ष मिश्रले प्रश्न गरे।
सर्वोच्च अदालत प्रशासनले कतिपय गम्भीर विषयका रिटहरू दरपिठ (दर्ता गर्न अस्वीकार) गर्ने गरेको र न्यायमा पहुँच कठिन हुँदै गएको भन्दै कानुन व्यवसायीहरू आन्दोलित भएका हुन् ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×
×