क्यानका प्रवक्ता छुम्बी लामालाई राखेपले फिर्ता बोलायो

काठमाडौं । राष्ट्रिय खेलकुद परिषद् (राखेप) ले नेपाल क्रिकेट संघ (क्यान) का बोर्ड सदस्य एवं प्रवक्ता छुम्बी लामालाई फिर्ता बोलाउने निर्णय गरेको छ। जेठ ११ गते राखेपले लामालाई एक पत्र काट्दै संघको सदस्य पदबाट फिर्ता बोलाइएको औपचारिक जानकारी दिएको हो।

राखेपले यस निर्णयलाई तत्काल कार्यान्वयन गरी त्यसको जानकारी गराउन क्यानलाई समेत निर्देशन दिएको छ। नेपाल क्रिकेट संघको विधान २०५५ को परिच्छेद २, दफा ३ को उपदफा (४) अनुसार राखेपलाई संघको पदेन सदस्यका रूपमा प्रतिनिधि मनोनयन गर्ने अधिकार छ। सोही अधिकार प्रयोग गर्दै राखेपले लामालाई फिर्ता बोलाएको हो ।

लामालाई राखेपले २०८० साल चैतमा क्यानको सदस्यमा मनोनयन गरेको थियो । मनोनयन भएको छोटो अवधिमै उनलाई फिर्ता बोलाउने राखेपको यो कदमलाई अर्थपूर्ण रूपमा हेरिएको छ।

क्यानको वर्तमान नयाँ कार्यसमितिले लामालाई प्रवक्ताको महत्त्वपूर्ण जिम्मेवारी सुम्पिएको थियो । लामा यसअघिको कार्यसमितिमा पनि राखेपको तर्फबाटै सदस्यका रूपमा कार्यरत थिए । खेलकुद प्रशासन र क्रिकेट व्यवस्थापनमा लामो अनुभव भएका लामालाई फिर्ता बोलाएपछि अब उनको स्थानमा कसलाई पठाइनेछ भन्ने विषयमा राखेपले कुनै खुलाए