विष्णु पौडेलमाथि अनुसन्धानका लागि तीन दिन हिरासत अनुमति

काठमाडौं । विशेष अदालतले नेकपा (एमाले)का उपाध्यक्ष एवं पूर्वउपप्रधानमन्त्री विष्णु पौडेललाई सम्पत्ति शुद्धीकरण (मनी लाउन्डरिङ) सम्बन्धी कसुरको अनुसन्धानका लागि हिरासतमा राख्न थप तीन दिनको अनुमति दिएको छ ।

सोमबार न्यायाधीशद्वय नारायणप्रसाद पौडेल र उमेश कोइरालाको इजलासले उक्त आदेश दिएको हो । यससँगै पौडेलमाथि अनुसन्धानका लागि पाँचौँ पटक म्याद थप भएको छ ।

सम्पत्ति शुद्धीकरण विभागले असार ८ गते सुर्खेतबाट उनलाई पक्राउ गरेको थियो । त्यसयता विभागले विशेष अदालतबाट पटकपटक म्याद लिएर न्यायिक हिरासतमा राखी अनुसन्धान गरिरहेको छ ।