२०८३ श्रावण २, शनिबार १५:४९
विराटनगर । संखुवासभामा श्रीमतीको हत्या गरेको आरोपमा प्रहरीले श्रीमानलाई पक्राउ गरेको छ । घरायसी विवादका क्रममा श्रीमतीलाई खुकुरी प्रहार गरी हत्या गरेको आरोपमा श्रीमान् पक्राउ परेको प्रहरीले जनाएको छ ।
संखुवासभाको चैनपुर नगरपालिका–७ स्थायी घर भई हाल मादी नगरपालिका–४ डाँडा गाउँ बस्दै आएका ५६ वर्षीय अमरबहादुर सार्कीले आफ्नी ४३ वर्षीया श्रीमती फूलमाया मुदेलको खुकुरी प्रहार गरी हत्या गरेको प्रहरीले जनाएको छ।
प्रहरीका अनुसार घरायसी विवाद चर्किएपछि शुक्रबार आफ्नै घरमा रहेको धारिलो हतियार (खुकुरी) प्रयोग गरी श्रीमतीमाथि आक्रमण गरेका थिए । गम्भीर घाइते भएकी फूलमायाको घटनास्थलमै मृत्यु भएको प्रारम्भिक अनुसन्धानबाट खुलेको छ ।
घटनापछि प्रहरीले उनलाई तत्काल नियन्त्रणमा लिएको र थप अनुसन्धान भइरहेको प्रहरीले जनाएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×