२०८३ श्रावण २०, बुधबार ०९:२१
जनकपुरधाम । धनुषाको जनकपुरधामस्थित प्रसिद्ध जानकी मन्दिर नजिकै रहेको तेल्हा पोखरीमा डुबेर मंगलबार राति एक भारतीय दर्शनार्थीको मृत्यु भएको छ ।
मृत्यु हुनेमा भारतको विहारको हाजीरपुरका २० वर्षीय आदर्शकुमार झा रहेको प्रहरीले जनाएको छ । प्रहरीका अनुसार झा आफ्ना साथीहरूसँग जानकी मन्दिरको दर्शन गर्न जनकपुर आएका थिए ।
दर्शन गर्ने क्रममा उनी अचानक पोखरीमा डुबेका थिए । उनलाई पोखरीमा डुबेको देखेपछि स्थानीय युवाहरूले तत्कालै उद्धार गरी उपचारका लागि जनकपुरधामस्थित प्रादेशिक अस्पताल पुर्याएका थिए । तर, अस्पतालमा उपचारकै क्रममा उनको मृत्यु भएको प्रहरीले जनाएको छ ।
प्रहरीका अनुसार मृतकको शव पोस्टमार्टमका लागि प्रादेशिक अस्पतालमै राखिएको छ । घटनाका सम्बन्धमा थप अनुसन्धान भइरहेको प्रहरीले जनाएको छ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
