२०८३ श्रावण २०, बुधबार १२:०७
वीरगन्ज । पर्सामा प्रहरीले २०७ किलो गाँजासहित एक जनालाई पक्राउ गरेको छ। गाँजा ओसार्न प्रयोग गरिएको एक थान पिकअप भ्यानसमेत प्रहरीले नियन्त्रणमा लिएको छ।
जिल्ला प्रहरी कार्यालय पर्साका प्रवक्ता तथा प्रहरी नायब उपरीक्षक चक्रबहादुर मल्लका अनुसार मङ्गलबार बेलुका साढे ६ बजे प्रदेश ३–०१–२४ च ५३८५ नम्बरको पिकअप गाडी जाँच गर्ने क्रममा सिमेन्टको बोराभित्र लुकाइराखिएको २०७ किलो गाँजा फेला परेको हो।
प्रहरीले गाडी चालक मकवानपुर, हेटौँडा उपमहानगरपालिका–१३ का ४८ वर्षीय कृष्ण लामालाई नियन्त्रणमा लिएको छ।
बरामद गाँजा र पक्राउ परेका लामामाथि थप अनुसन्धान भइरहेको प्रहरीले जनाएको छ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
