२०८३ श्रावण २३, शनिबार ११:००
काठमाडौं । झारफुक गर्ने बहानामा १४ वर्षीया बालिकालाई अमानवीय ढंगले कुटपिट गर्ने एक व्यक्तिलाई प्रहरीले पक्राउ गरेको छ । जाजरकोटको बारेकोट गाउँपालिका–६ धुमाका ५९ वर्षीय हिरालाल चलाउनेलाई बालिकालाई कुटपिट गरेको आरोपमा पक्राउ गरेको प्रहरीले जनाएको छ ।
घटना गत असार ५ गते दिउँसोको हो। सार्वजनिक सडकमा नै चलाउनेले ती बालिकालाई ‘झारफुक गर्ने’ भन्दै हात र मुक्काले कुटपिट गरेका थिए । बालिकामाथि गरिएको सो हिंसाको भिडियो ढिलो गरी सामाजिक सञ्जालमा सार्वजनिक भएको थियो । भिडियो भाइरल भएसँगै सर्वत्र आलोचना र कारबाहीको माग उठेपछि प्रहरीले चलाउनेको खोजी तीव्र पारेको थियो ।
फरार रहेका चलाउनेलाई साउन २१ गते दिउँसो उनकै गाउँबाट पक्राउ गरिएको हो । पक्राउ लगत्तै उनलाई जाजरकोट जिल्ला अदालतमा पेस गरिएको र अदालतबाट पाँच दिनको म्याद थप गरी विस्तृत अनुसन्धान भइरहेको प्रहरीले जनाएको छ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी