२०८३ श्रावण २६, मंगलबार ०९:२६
काठमाडौं । पर्साको पटेर्वा सुगौली गाउँपालिकामा ठुलो परिमाणको लागुऔषध गाँजासहित एक जना भारतीय नागरिक पक्राउ परेका छन् ।
पटेर्वा सुगौली गाउँपालिका–३ सोनबर्साबाट १०५ केजी गाँजासहित ५० वर्षीय भारतीय नागरिक सउरु चौधरीलाई पक्राउ गरेको प्रहरीले जनाएको छ ।
भारतको बिहार राज्य, बेतिया जिल्ला उजहरुपरजिलवा भागा श्रीनगर–३ घर भएका चौधरीलाई मंगलबार राति ९ बजेतिर प्रहरीले पक्राउ गरेको हो । इलाका प्रहरी कार्यालय पटेर्वा सुगौली र इलाका प्रहरी कार्यालय ठोरीको संयुक्त टोलीले विशेष सूचनाका आधारमा उनलाई गाँजासहित फेला पारेको थियो ।
बरामद गरिएको गाँजा र पक्राउ परेका चौधरीलाई इलाका प्रहरी कार्यालय पटेर्वा सुगौलीमा राखेर थप अनुसन्धान अगाडि बढाइएको प्रहरीले जनाएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी