रतुवामाईमा सर्पको टोकाइबाट महिलाको मृत्यु

Share this
767shares
मुलुकी खबर
मुलुकी खबर
clock२०८३ साउन २६, मंगलबार १९:२८

विराटनगर। मोरङको रतुवामाई नगरपालिका-३ महादेवामा सर्पको टोकाइबाट एक महिलाको मृत्यु भएको छ। आफ्नै घरभित्र काम गरिरहेको अवस्थामा मंगलबार बिहान ३५ वर्षीया आशा ताजपुरियालाई गोमन सर्पले डसेको थियो।

घरमा काम गर्ने क्रममा दाहिने हातको कान्छी औँलामा गोमन सर्पले टोकेपछि उनलाई उपचारका लागि कोशी अस्पताल विराटनगर लगिएको थियो। अस्पतालमा चिकित्सकले जाँच गर्दा दिउँसो ३:१० बजे उनलाई मृत घोषणा गरेका थिए।

मृतकको शव उनका ससुरा चिल्का ताजपुरियाले बुझेर लगेको इलाका प्रहरी कार्यालय सिजुवाले जनाएको छ। प्रहरी चौकी महादेवाबाट प्रहरी नायब निरीक्षक भीम बहादुर श्रेष्ठको कमाण्डमा टोली खटिएर थप अनुसन्धान गरिरहेको छ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.