२०८३ श्रावण ३०, शनिबार १५:१४
विराटनगर । ओखलढुंगाको मोलुङ गाउँपालिका–५ गोगुन डाँडाबाट अवैध भरुवा बन्दुकसहित एक जना पक्राउ परेका छन् । शनिबार बिहान स्थानीय ३३ वर्षीय मोहन तामाङलाई प्रहरीले उनकै घरबाट नियन्त्रणमा लिएको हो ।
तामाङको घरमा भरुवा बन्दुक रहेको विशेष सूचनाका आधारमा इलाका प्रहरी कार्यालयको टोलीले बिहान ११ः३० बजेतिर तामाङको घर खानतलासी गर्दा एक थान भरुवा बन्दुक फेला परेको प्रहरीले जनाएको छ ।
प्रहरीले बन्दुकसँगै त्यसमा प्रयोग हुने बारुद र छर्रा समेत बरामद गरेको छ । अवैध हतियारसहित नियन्त्रणमा लिइएका तामाङमाथि थप अनुसन्धान प्रक्रिया अगाडि बढाइएको प्रहरीले जानकारी दिएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
